Mondoñedo, 1 de maio de 2021. Os populares de Mondoñedo expresan o seu preocupación polo mal estado da N-634. Así o abordaron na reunión de traballo que mantivo o Grupo Municipal coa presidenta provincial, Elena Candia, sendo este un dos temas principais que se expuxo na xuntanza. E é que esta vía é a comunicación complementaria á A-8 cando esta está pechada.
“Mondoñedo merece un adecentamento desa vía con mellores accesos pero tamén por seguridade”, afirmou Candia. Dun xeito máis preciso, indicou que os accesos seguen sen iluminación e o firme está moi deteriorado. É, por este motivo, polo que expuxo a importancia de acometer obras de mellora neste vial que é moi transitado cada vez que a Autovía cerra o seu paso a vehículos e porque, apuntaron, “o verán está cada vez máis próximo, polo que o recomendable sería xa ter iniciadas as obras”. Ademais, lembrou que o Executivo estatal xa tiña iniciado o expediente en 2017.
Fondos europeos
Os populares tamén fixeron balanzo da xestión do goberno local que, “de forma seria e responsable”, está centrada en seguir ofrecéndolles aos veciños os mellores servizos. A este respecto, informaron de que están a traballar para a consecución de fondos europeos co fin de levar a cabo melloras en vías municipais e espazos públicos por valor de máis de 2,6 millóns de euros.
Os proxectos presentados á convocatoria do ministerio de Transportes, Mobilidade e Axenda Urbana foron os seguintes: urbanización das rúas Peña de Franca, Febreiro, Bispo Sarmiento, Xulia Pardo Montenegro e parte da de Rocha de Velez, e Álvaro Cunqueiro; ampliación do camiño de A Valada-Mondoñedo-Lugo, das rúas Os Castros e Rocha Velez; acondicionamento do antigo cemiterio; estabilización do muro de contención de terra da residencia de maiores San Rafael; e creación de vivendas tuteladas dentro de dito centro. “Tamén estamos cooperando con empresas agroalimentarias”, concluíu.
“As persoas, a imaxe das institucións”
“O noso obxectivo, dixo Candia, ten que intentar ser o modelo que sigan outros Concellos”. Neste senso, analizaron a aposta que se está facer dende a entidade local para ser un referente nos servizos sociais, con prestacións como a atención temperá e postemperá ou o asilo.
“Son recursos fundamentais, xa que permiten dar atención aos cidadáns que máis o precisan. As persoas son a imaxe das institucións”, subraiou a presidenta. No caso da atención temperá, lembrou, “é un recurso fundamental porque permite detectar trastornos no desenvolvemento dos nenos de 0 a 6 anos para axudarlles a corrixilos o máis pronto posible. E iso é posible grazas a que esta unidade está atendida por un equipo multidisciplinar”.
“Ser altavoz”
A dirixente dos populares lucenses proseguiu así coa rolda de encontros cos representantes da súa formación para pulsar as necesidades que teñen como agrupación, co fin de “ser altavoz” e trasladar as demandas que lles trasladan os veciños ás administracións como poden ser a Deputación, a Xunta de Galicia, o Parlamento ou o Congreso e o Senado.
“Creo que este tipo de xuntanzas sempre son positivas para poñer en común no que podemos mellorar como Partido para seguir sendo o referente dos veciños e completar as accións que se levan a cabo dende o Concello”, precisou a presidenta.
Elena Candia continuará nos vindeiros días co seu cronograma de reunións para “seguir facendo Partido”, apuntou.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
