Madrid, 22 de maio de 2021. O deputado do BNG no Congreso, Néstor Rego, e o deputado no Parlamento de Galiza, Daniel Castro, visitaron o Concello de Ribadeo onde se comprometeron a rexistrar iniciativas para a conexión directa da A-8 co centro urbano. Na cámara baixa, o deputado nacionalista reclama ao Goberno do Estado para realizar o proxecto construtivo de transformación e contar coa dotación orzamentaria precisa e resolver os problemas de tráfico.
A localidade de Ribadeo está delimitada por dúas estradas de gran importancia para a súa comunicación, a autovía do Cantábrico, A-8, e a estrada estatal de acceso ao Porto de Mirasol. Desde que se construíu a A-8 no ano 2004, a veciñanza de Ribadeo reclamou a creación dun acceso d esta vía ao centro da vila en dirección Galiza-Asturias, pois existen dous accesos desde a Autovía para os vehículos que chegan de Asturias, pero só un da Galiza.
Tras a xuntanza entre o equipo de goberno municipal de Ribadeo e os deputados do BNG no Congreso, Néstor Rego, e no Parlamento de Galiza, Daniel Castro, trouxo consigo o compromiso de rexistrar iniciativas na cámara baixa do Estado para que se comece o proxecto construtivo de transformación do enlace da A-8 co centro urbano. Por unha banda, insta o Goberno do Estado a levar a cabo, no marco das súas competencias e en coordinación co Concello de Ribadeo, as actuacións necesarias que permitan transformar o semienlace existente na A-8, nunha ligazón completa para dar servizo ao centro urbano.
“Nos últimos anos, Ribadeo mantivo un importante crecemento urbano, sobre todo debido ao seu interese turístico e por ser un destino preferente como segunda residencia vacacional e de fin de semana” lembra o deputado do BNG no Congreso. Este factor, sumado “á gran actividade comercial e de lecer que atrae un elevado número de persoas tanto do resto da comarca como de Asturias”, supón un notable incremento do tráfico nos accesos a esta localidade, especialmente nos períodos estivais e nos días non laborables.
A apertura da autovía do Cantábrico, a A-8, ao seu paso pola contorna desta vila, non liquidou as necesidades de conexión desta vía de alta capacidade coa localidade de Ribadeo. Tanto é así que en dirección a Asturias tan só existe unha saída, na localidade de Piñeira, sinalizada como saída Ribadeo Sur, saída situada a varios quilómetros do centro urbano de Ribadeo e de xeito evidente insuficiente non só pola súa distancia relativa do centro urbano senón tamén polo feito de que existe unha gran superficie nesa localización, o que converteu esta saída nun auténtico embude, coa consecuente conxestión de tráfico.
“É de gran importancia para as comunicacións e a mellora do tráfico, que se execute ese acceso central a Ribadeo e que conte cunhas características apropiadas para absorber o volume de tráfico de entrada e saída” apunta Rego. “Trátase, en definitiva, de construír un vial directo a Ribadeo que ademais de mellorar a circulación, sirva de comunicación e vertebración aos futuros desenvolvementos urbanísticos desta localidade” conclúe o deputado nacionalista.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
