Vilalba, 9 de xuño de 2021. Os populares da provincia de Lugo destacan “a incorporación de mozos ás explotacións gandeiras” porque “demostra que o noso rural ten futuro”. Así o manifestou a presidenta e voceira de Medio Rural no Grupo Popular no Parlamento de Galicia, Elena Candia, durante unha visita á explotación gandeira dun mozo vilalbés, Xabi Paz, que xestiona os terreos da finca Enxebreza situada na parroquia de Vilapedre. Tamén quixeron coñecer de preto este proxecto a presidenta da xestora do PP de Vilalba e deputada autonómica, Sandra Vázquez; o deputado e presidente da Comisión 7ª de Agricultura, Alimentación, Gandería e Montes no Parlamento galego, Daniel Vega; e outros membros do PP vilalbés.
Vázquez sinalou que “este é un claro exemplo de emprendemento vinculado á posta en valor do medio rural. O aproveitamento dos seus recursos permite o desenvolvemento de iniciativas empresariais que á súa vez favorecen o asentamento de poboación no rural”. A popular defendeu tamén que “é un orgullo para Vilalba que haxa xente nova que aposte pola actividade agrogandeira no noso municipio”.
A importancia da PAC
Os populares subliñaron a importancia das achegas da PAC de cara ao mantemento da actividade das explotacións gandeiras. Concretamente, o Goberno galego dirixiu no último ano preto de 3,9 millóns de euros aos gandeiros de Vilalba a través de distintas liñas de axudas da PAC: axudas directas, agroambientais, zonas de alta montaña ou a pequenas explotacións.
O propio gandeiro puxo en valor estas axudas que “non benefician só aos gandeiros; senón tamén aos consumidores en xeral ao facilitar a adquisición de carne de calidade a prezos asequibles que garantizan o consumo frecuente destes produtos. De non ser por estas axudas, os gandeiros terían que vender a carne a un prezo máis elevado”.
“Pedro Sánchez dá as costas aos gandeiros”
Elena Candia trasladou o seu apoio ás actividades de posta en valor dos recursos do noso territorio e avalou o traballo diario dos gandeiros para producir carne de calidade. Nese sentido, manifestou á súa repulsa á recomendación abalada polo presidente do Goberno de reducir o consumo de carne porque “fai un dano terrible na nosa provincia debido ao peso que ten o sector primario en Lugo”.
“O Goberno de Pedro Sánchez dá as costas aos gandeiros”, segundo manifestou a popular condenando tamén outras políticas do Goberno do PSOE “prexudiciais para os gandeiros que se vén afectados polos ataques do lobo” ao incluílo no Listado de Especies Silvestres en Réxime de Protección Especial, o que suporá prohibir a súa caza a partir do 25 de setembro. “Incluso o PSdeG votou a favor dunha iniciativa parlamentaria para paralizar este veto á caza do lobo desmarcándose da postura do Goberno do Estado”, remarcou.
Candia lembra que “Galicia ten instado ao Goberno central a manter o mesmo status que tiña ata agora”. Nese sentido, a voceira da Comisión de Medio Rural explica que “o Parlamento galego apelou a que o Goberno galego lidere, xunto ás comunidades afectadas, unha estratexia para a conservación do lobo e, unha vez lista, se elabore un novo plan do lobo para Galicia, froito do consenso entre gandeiros, asociacións de defensa da especie e sector veterinario”. De feito, “a Xunta está a traballar na actualización do estudo poboacional do lobo ibérico en Galicia que permita contar con datos técnicos e científicos a consultar antes de adoptar calquera decisión que poida afectar a esta especie”.
Enxebreza
Xabi Paz, de 22 anos de idade, xestiona os terreos da finca Enxebreza, un grupo de empresas relacionadas coa gandería, onde conta cun total de 300 cabezas de gando vacún: 150 de raza salers, de orixe francés, e 150 dunha das razas propias de Galicia, a cachena. As vacas salers aproveitan o pasto das fincas da parroquia de Vilapedre; mentres que as cachenas, máis rústicas, pastan nos terreos situados na zona alta, na Serra da Carba, onde tamén se manteñen 250 cabezas de gando equino.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
