Santiago de Compostela, 17 de xuño de 2021. A directora xeral de Emprego, Traballo Autónomo e Economía Social, Covadonga Toca, xunto co delegado territorial da Xunta en Lugo, Javier Arias, mantiveron hoxe un encontro virtual con empresarios da Confederación de Empresarios de Lugo (CEL) no marco da rolda de contactos aberta pola Consellería de Emprego e Igualdade para explicar os pormenores da tramitación do 3º Plan de Rescate da Xunta, activado o pasado luns cos 234,4 milóns de euros de fondos asignados polo Estado a Galicia.
No mesmo, Toca deu resposta ás dúbidas sobre a tramitación e os requisitos dos novos apoios directos cuxo prazo de solicitude estará aberto ata o 14 de xullo.
Tal e como constatou a directora xeral, é compromiso da Xunta que os apoios cheguen a cantas máis empresas mellor. O Goberno galego agarda poder acadar ás 66.000 firmas. Nesta liña, lembrou que a Administración autónomica prioriza no novo Plan ás persoas traballadoras autónomas e pequenas empresas, que supoñen un 97% do tecido empresarial galego, e ás que reserva 200 millóns de euros.
Unha das cuestións que suscitan máis inquedanza entre os solicitantes ten que ver co requisito previsto polo Estado no Real decreto-lei que regula os pagos e que obriga a que as axudas se destinen a financiar débedas pendentes. Tal e como subliñou Toca, este requisito, xunto coa cantidade de información fiscal que teñen que presentar os empresarios, está a dificultar a tramitación.
A directora xeral incidiu en que a Xunta non quere que ningunha empresa nin autónomo que poida xustificar a débeda se quede sen apoios. Na mesma liña, insistiu en que los 234,4 millóns de euros deben quedarse en Galicia e se non hai empresas que xustifiquen esa débeda, os cartos voltarían ao Ministerio de Hacienda.
Para evitalo, a Xunta está a facer interpretacións amplas da normativa estatal para que a totalidade das débedas adquiridas durante a pandemia, incluídos os préstamos formalizados, se poidan amortizar cos cartos do 3º plan de rescate.
Outro dos compromisos trasladados pasa por garantir a axilidade nos pagamentos. A Consellería de Emprego e Igualdade habilitou un procedemento para tramitar as axudas sen agardar a que remate o prazo. O obxectivo, ao igual que sucedera nos dous primeiros plans de rescate activados con fondos autonómicos, é que os cartos cheguen canto antes aos profesionais. Así, farase un adianto do 100% dos cartos no momento da solicitude e soamente coa presentación dunha declaración responsable. A empresa disporá despois de tres meses para aportar a documentación correspondente.
A xuntanza mantida hoxe pola representante da Xunta insírese na rolda de contactos informativos aberta pola Consellería de Emprego e Igualdade nos últimos días, co obxecto de poñer luz sobre dalgúns dos aspectos máis complexos do novo plan. Ao webinario de hoxe, sucederanlle nos próximos días novas xornadas virtuais nas que a Xunta outorgará asesoramento aos empresarios galegos por medio das patronais da Coruña, Ourense e Pontevedra.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
