Ribadeo, 18 de xuño, 2021. Unha das iniciativas que deu comezo este curso no IES Ribadeo Dionisio Gamallo foi a creación dunha radio escolar, Radio IES Ribadeo. Para iso contamos coa axuda do profesor de Bioloxía e Xeoloxía, Fernando Losada, gran coñecedor do tema por ter participado en proxectos semellantes noutros centros. Enmarcamos a actividade en Contratos Programa, dentro da liña Eduemociona, co obxectivo de favorecer estratexias que potencien a intelixencia emocional, a autoestima, a empatía e a superación. Habilitamos na web o espazo Radio IES Ribadeo e tivo moi boa acollida.
Para a inauguración, o alumnado de 1º bacharelato coa axuda de María Ron, profesora de música, entrevistou a Cris Andina aproveitando a súa visita ó centro para impartir a charla “Olladas de muller” en conmemoración do 8 de marzo.
Fernando Losada foi preparando os protocolos necesarios para a radio e montou co seu alumnado de Cultura Científica de 1º Bach, oito cuñas radiofónicas. Ademais, propúxolles escribir guións sobre os riscos do mal uso das redes sociais e despois fixeron a gravación e el mesmo editou con gran profesionalidade un bo número de radioficcións moi interesantes.
Pouco a pouco foron participando moitos grupos: 3º ESO coa profesora Laura Berciano preparou un podcast sobre Emilia Pardo Bazán e o alumnado de 1º ESO na materia “Igualdade de xénero” impartida por Teresa González Piñeiroa, entrevistou a un bo número de mulleres dentro do proxecto coeducativo “Os meus referentes”. Tamén quixo participar o alumnado de 2º ESO A, na materia de música, impartida por Manuel Lozano. Debían facer un traballo sobre música disco, salsa e bachata e entón imaxinaron estar nun programa de radio con artisitas como Bee Gees, Marc Anthony e Romeo Santos e ata se atreveron a interpretalos.
Finalmente, un dos últimos traballos foi o dos alumnos e alumnas de 4º ESO que con Susi Besteiro, profesora de Bioloxía e Xeoloxía aproveitaron o turno de preguntas ó remate da videoconferencia impartida por Sonia Villapol, para coñecer a opinión da neurocientífica sobre a mestura de vacinas, os efectos da covid-19 nas embarazadas e os futuros avances da neuroloxía e despois convertéronna nunha entrevista coa axuda de Fernando Losada.
Todos estes traballos e algún outro que están ultimando Manel Yáñez, profesor de Filosofía e Miriam Bouso, profesora de Xeografía e Historia, están dispoñibles na web do centro e almacenados na plataforma iVoox. Dende o IES de Ribadeo Dionisio Gamallo esperamos que resulten de interese e que a melodía da nosa radio composta polo alumno Andrés Bermúdez logo se vaia facendo habitual na comarca.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
