Vigo, 20 de xullo de 2021. O secretario xeral do PSdeG, Gonzalo Caballero, mantivo este martes unha xuntanza co secretario xeral de Anfaco-Cecopesca, Juan Vieites, e co seu presidente, Iván Alonso-Jáudenes, á que acudiu en compañía do presidente do PSdeG e senador, Xoaquín Fernández Leiceaga, das deputadas viguesas no Congreso Olga Alonso e Ángeles Marra e das parlamentarias socialistas Leticia Gallego e Noelia Otero.
“A Galicia do século XXI necesita un sector mar-industria puxante e un sector conserveiro que siga liderando o sector en Europa e, para iso, hai que canalizar os fondos Next Generation cara ás empresas e cara ao sector, para permitir esa modernización de acordo ás tendencias de transición dixital e ecolóxica”, reivindicou o máximo dirixente do PSdeG.
Os fondos europeos, incidiu, constitúen “unha oportunidade que non podemos perder” para “gañar máis espazo, máis vangarda e máis innovación no sector da conserva galega”.
É por iso que “temos que remar nesta nova realidade cara á que estamos avanzando” para “manter a puxanza, a vitalidade, o emprego e a capacidade de produción do sector conserveiro galego”, destacou o máximo dirixente do PSdeG.
Ao fío disto, Gonzalo Caballero reivindicou a Galicia como “unha referencia mundial no sector da conserva” grazas a súa “enorme capacidade de produción, de investigación, de desenvolver novos produtos e de chegar a novos mercados”. “Unha produción ademais cunha enorme calidade”, subliñou.
“O sector da conserva en Galicia está en condicións de seguir sendo referencia no mundo” porque “a conserva é unha forma de colocar produto galego e doutras partes do mundo cunha magnifica calidade” e ademais dispón de “capacidade para satisfacer a demanda a nivel internacional”, sentenciou o líder do PSdeG.
APOIO AO SECTOR MAR-INDUSTRIA A PROL DUNHA “GRAN ALIANZA”
Nesta liña, sinalou que “para a estrutura produtiva galega, o sector mar-industria e, especificamente, o sector das conservas é unha referencia que necesita todo o impulso de todas as administracións públicas”, por iso “trasladamos o noso respaldo ás necesidades do sector e poñemos a disposición aos nosos parlamentarios e parlamentarias” para “traballar ao seu carón en todo aquilo que demanden”.
“É unha potencialidade de Galicia que necesitamos desenvolvela e avanzar, e non retroceder. Así llo trasladaremos ao goberno de España e ao da Xunta de Galicia, porque é necesaria unha gran alianza do sector mar-industria e conserveiro”, concluíu.
ANFACO-CECOPESCA
Nesta mesma liña, o secretario xeral de Anfaco, Juan Vieites, reivindicou a importancia de “seguir potenciando” o sector conserveiro a través de colaboracións público-privadas que “defendan o sector” e “ter unha visión máis competitiva e eficaz”.
Por iso, Vieites instou a que “Galicia non perda a oportunidade de gañar ese reto de futuro” para “adecuarse” e ser “cada vez ser máis competitivos”.
Por último, o responsable de Anfaco-Cecopesca valorou o coñecemento e a “capacitación” do secretario xeral do PSdeG á hora de abordar diferentes cuestións “que preocupan” ao sector, logo de realizar un “repaso ás inquedanzas” relacionadas cos fondos europeos, o comercio con terceiros países ou a formación dos cadros de persoal das empresas.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
