Burela, 18 de agosto, 2021. O selo das Xoias Laranxas volverá destacar en Primeira Masculina. A proxección da base reafírmase coa renovación de Renato Rodrigues Monteiro (Praia-Cabo Verde, 2001), que deu o salto ao conxunto sénior a tempada pasada. Renatinho convértese no quinto xogador formado na estrutura do Pescados Rubén Burela defendendo a camisola mariñá en 2021-22, xunto a Iago Míguez, Renato Lopes, Nito e Pitero.
“Co traballo dos anos anteriores e a confianza do profesorado, tiven a oportunidade de integrarme no conxunto sénior, aínda que una lesión difícil non me deixou dar o quería. Coa axuda de Tulio, tempo e paciencia agora xa estou recuperado, afortunadamente xa quedou todo atrás” botaba así a vista atrás o novísimo 17 burelista, tras unha rotura de ligamento lateral interno do xeonllo esquerdo.
“Quero formar parte do cadro; levo todo o verán preparándome e espero contar con minutos pouco a pouco” confesaba Renatinho, vendo “un gran vestiario, moi unido, no que todos os compañeiros nos apoian e nos axudan aos máis pequenos”, con Renato e David Pazos, como os seus mellores conselleiros.
Agora mesmo son 15 xogadores os que están dispoñibles para Alberto Riquer. Ademais das 5 Xoias, estarán os galegos Quintela, Pazos, Lucho, Álex Diz, Isma e Porto, o internacional poloca M. Kaluza e os brasileiros Wanderson, Rikelme e Levi.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
