Burela, a 1 de outubro de 2021. O voceiro do Grupo Municipal Popular de Burela, Manuel Rouco, condena as “constantes evasivas do señor Llano ante as preguntas directas que o Grupo Municipal Popular lle trasladou no pleno deste xoves, algunhas xa repetidas porque xa se lle formularan en sesións plenarias anteriores”. Non entenden os populares “por que o señor Llano se empeña en ocultar información aos veciños” e aseguran que “non é maneira de proceder dun alcalde dunha vila coma Burela”.
Os populares subliñan que “o alcalde oculta aos veciños e veciñas que o Concello está pendente de resolucións xudiciais sobre a situación da zona de Torrentes, onde actualmente se localiza o mercado semanal, e que poden supoñer que o Concello, probablemente, pague unha suma importante de cartos, arredor de 600.000 euros”.
Así o explicou o voceiro do PP tras interesarse polos motivos polos que “levamos dende xaneiro deste ano pendentes da aprobación definitiva do inventario municipal”. A este respecto, “o señor Llano contestou que xurdiran uns pequenos problemas, pero que logo se ían resolver. Evitou, deste xeito, dicir a verdade porque ata que se resolva a situación da zona de Torrentes, o inventario municipal non se vai poder aprobar”, advirte o popular.
Apoio unánime para a creación dun arquivo histórico e cultural dixital
Durante o pleno ordinario deste xoves, o Grupo Municipal Popular logrou sacar adiante, por unanimidade, a súa proposta para a creación dun arquivo histórico e cultural en formato dixital, unha iniciativa que xa ía incluída no programa electoral do PP.
Do lado dos traballadores de Vestas
O Grupo do PP “volveu cumprir coas peticións efectuadas polos veciños e, desta vez, en tempo récord. Os traballadores de Vestas pedíronnos no pleno de onte que mediáramos para que a mesa industrial que apalabraran co conselleiro Francisco Conde se levara a cabo antes do vindeiro mércores. E, menos de 24 horas despois, a consellería xa anunciou que se celebrará este martes esa reunión da mesa industrial á que están convidadas tódalas partes co obxectivo de chegar a unha solución para os traballadores desta importante fábrica para a nosa comarca”, conclúe Rouco.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
