Ribadeo, 22 de xaneiro de 2021. Ás dúas e media desta tarde rematou o prazo para reclamar os premios da XI Festa do Comercio de Acisa Ribadeo que. Varios foron os afortunados e afortunadas que se achegaron polas oficinas da asociación para recoller os seus vales de compra ao longo dos últimos días.
O primeiro premio, dotado con 2.000 euros en vales para gastar nos establecementos asociados, foi para Sofia Folgosa Perez, veciña de Ribadeo. A papeleta premiada co número 199.626 foille entregada no Bar Queimada.
Os dous premios de 500 euros, en vales de compra, correspondéronlles a Marta Teresa López Sanjurjo, de Ribadeo, e a Montse Prieto Salgado, de Ribadeo. As papeletas premiada cos números 117.540 e 81.526 foron entregadas en Menfer e no Bar Galicia.
Un dos dous premios de 250 euros en vales de compra foi para Paula Santamarina Cotarelo, de San Tirso de Abres. A papeleta premiada co numero 173.780 foille entregada en Casa Fandín.
En xogo estaban tamén 5 premios de 100 euros cada un en vales de compra, dos que foron reclamados dous. Os afortunados foron José Manuel Fernández López, de A Pontenova, e José Manuel Rey Barcia, de Burela. As papeletas premiadas cos números 138.331 e 81.790 fóronlles entregadas respectivamente en Morán e no Bar Galicia.
Os premios da XI Festa do Comercio de Acisa foron recollidos ao longo dos últimos días. Desde a Asociación de Comerciantes, Industriais, Servizos e Autónomos subliñan que “quedaron desertos algúns deles e tal e como figuraba nas bases desta campaña esas cantidades serán destinadas a novos sorteos”.
Acisa felicita aos gañadores da XI Festa do Comercio, que dispoñen de dous meses para gastar eses vales en calquera dos 160 establecementos asociados.
Durante estes dias tamén foron entregados os premios da campaña Obxectivo 400 impulsada por Acisa e o Ribadeo FC para axudar a ampliar os socios da entidade deportiva. Recolleron os seus premios Ángel Expósito, José Luis Fernández, Valentín García e Anxo Mourelle.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
