Ribadeo, 7 de abril de 2022. A Concellaría de Turismo organiza percorridos guiados esta Semana Santa. Serán ás XeoRutas dos Arcos e da Ría e polo Ribadeo Indiano e Ilustrado. Trátase de actividades de balde. As prazas son limitadas, polo que é preciso anotarse. A programación foi presentada por Pablo Vizoso.
O edil ribadense dixo que “a Área de Turismo do Concello de Ribadeo continúa a organizar percorridos guiados a través dos que se poderá descubrir o seu importante patrimonio natural e cultural. Unha serie de rutas, para todos os públicos, nas que se mostrarán aspectos moi diversos tanto dende o punto de vista natural como cultural”.
Pablo Vizoso explicou que “no ámbito do RibadeoXNatural sinalamos dúas rutas. En primeiro lugar a dos Arcos que vai permitir explorar e visitar o conxunto dos arcos rochosos máis importantes da península ibérica. Terá lugar o 17 de abril ás 9:45 horas a primeira saída e ás 11:00 horas a segunda. Ten unha duración aproximada de 45 minutos e unha distancia a pé de quilómetro e medio e presenta unha dificultade baixa”.
O concelleiro de Turismo seguiu a relatar que “como segunda opción temos a XeoRuta da Ría, que nos vai permitir e descubrir a orixe da ría de Ribadeo, a súa evolución, e as formas que xerou nesta a erosión mariña e fluvial. Está prevista para o venres, 15 de abril, ás catro e media da tarde. Ten unha duración máis prolongada, son tres horas e media, a distancia a pé é de seis quilómetros e medio e presenta tamén unha dificultade baixa”.
Vizoso Galdo indicou que “no ámbito do RibadeoXCultural destacamos dous roteiros guiados e interpretados, que nos van permitir gozar do fascinante patrimonio cultural e etnográfico presente en cada recuncho da vila. Así en primeiro lugar será a visita guiada ao Ribadeo Indiano, que nos dará a coñecer a cosmopolita arquitectura que se foi facendo presente e patente de forma rechamante na nosa vila da man dos emigrantes para simbolizar o seu triunfo e a súa volta. Esta visita está programa para o 9 de abril ás doce da mañá e para o 14 de abril ás cinco da tarde. Como opción igualmente interesante destacamos a visita guiada ao Ribadeo Ilustrado, que nos achegará a un conxunto histórico de combinación de pazos urbanos brasonados con sinxelas construcións de mariñeiros e artesáns polo casco vello de Ribadeo. Serán o 10 de abril ás doce da mañá e o 16 de abril ás cinco da tarde”.
O edil engadiu que “todas estas visitas guiadas terán como punto de encontro e de inicio a Oficina de Turismo de Ribadeo, agás a XeoRuta dos Arcos que partirá do Punto de Información Turística da Praia das Catedrais. Todos estes percorridos organizados e promovidos polo Concello de Ribadeo son de balde, as prazas son limitadas e a súa reserva debe realizarse na sección de MOMENTOS da páxina web: turismo.ribadeo.gal e quen precise máis información pode dirixirse ao teléfono da Oficina de Turismo de Ribadeo 982 128 689”.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
