Ribadeo, 8 de abril, 2022. Estes tempos tan difíciles polos que estamos a atravesar poñen de manifesto moitas carencias, pero especialmente a dun goberno que mire polo país e que non estea pendente de se facer con postos en Madrid e deixe ao pairo a vida cotián de milleiros de galegas e galegos. Feijóo botou case un mes de xira polo mundo adiante, e agora aínda se vai tomar outro mes, ou máis se lle fixer falta, para deixar o cargo e que outros lle dean o relevo.
Botamos ben en falta que o goberno galego tome a iniciativa. Nós, o BNG, desde a responsabilidade que nos deu a cidadanía, seguimos cumprindo co noso compromiso propoñendo alternativas e denunciando o desleixo do señor Feijóo con Galiza.
Hai uns días, o noso deputado, Daniel Castro García, xunto con Xosé Luis Rivas, “Mini”, estiveron en Remourelle dando unha charla para dar a coñecer, de primeira man, as nosas propostas para o sector lácteo. Ben sabemos que o sector agrogandeiro galego está a pasar polo seu peor momento en décadas. Padece problemas estruturais que a crise de prezos aínda veu a agudizar máis. Se o señor Feijóo e o PP de Galicia tiveran vontade e valentía ofrecerían alternativas a este sector estratéxico da economía galega e que resulta vital para poder manter poboación nas nosas aldeas e pequenas vilas. O BNG urxe un cambio de rumbo nas políticas do Goberno do PP para superarmos a decadencia do rural.
A nosa portavoz nacional, Ana Pontón propuxo ás principais organizacións agrarias unha serie de medidas para actuar no curto prazo e longo prazo. De xeito inmediato propoñemos facilitar liquidez ás explotacións gandeiras. Para iso, a líder do Bloque formula tres medidas concretas: gasóleo libre de impostos, -como ten o sector pesqueiro-; moratoria de dous anos nos préstamos e condonación das cotas á Seguridade Social durante un ano aos produtores e produtoras, tanto por conta propia coma por conta allea.
Outra das medidas a curto prazo sería unha tarifa eléctrica galega, que nos permitiría reducir a factura da luz; tamén reclamamos, tanto ao goberno central como a Bruxelas, unha aplicación flexible da PAC. Deste xeito, nesta campaña poderíanse sementar terras que están a barbeito para paliar a escaseza de cereais: mentres o sector se ve obrigado a importar toneladas de cereais, Galiza ten 200.000 has. abandonadas que, así o vemos desde o BNG, débense recuperar como superficie agraria útil.
A medio prazo, o BNG propón medidas de tipo máis estrutural, que supoñerían un cambio de rumbo na política do Goberno do PP, que non fixo máis que afondar na crise do rural. Propoñemos recuperar para uso agrogandeiro as terras forestadas ilegalmente; debemos retomar o cultivo das áreas tradicionais de cereal e desvincular as axudas da PAC da superficie, vinculándoas coa produción. Os fondos Next Generation deben ser destinados tamén ao sector agrogandeiro. Hai que fomentar a venda dos produtos de proximidade, tanto nos dos mercados tradicionais como coas novas ferramentas dixitais (por exemplo, as plataformas de comercio online).
A mobilización de terra agrícola abandonada permitiría aumentar a base de cultivo de forraxes das explotacións gandeiras. Pero aínda resoa a campaña suxa do PP contra o goberno bipartito cando ameazaba á xente coa vella teima de que lles ían roubar as terras. O que en realidade supón un roubo, a mans cheas, son os prezos da luz; mans cheas que aloumiñan ao señor Feijóo para que os siga a representar como presidente da Xunta, no canto de traballar polo pobo galego, polos homes e mulleres que día a día loitan por saír adiante, mentres que o presidente da Xunta, agora cunha comitiva máis ampla, anda por aí adiante atendendo os asuntos internos do PP, no canto de cumpriren os compromisos que asumiron co país.
Daniel Castro García e Xosé Luis Rivas, “Mini”, foron explicando estes puntos un por un na reunión mantida con gandeiros e gandeiras en Remourelle. Ben puxeron de manifesto que canto menos dependamos de insumos esóxenos (expostos aos vaivéns da situación internacional e ao afán especulador) mellor lle iría ao agro galego; canto máis traballemos as nosas terras, mellor lle irá ás nosas aldeas e mellor coidado estará o campo, no canto de se ver abandonado e sen vida. Canto máis aposte a Xunta por cumprir o seu papel de intermediaria (promovendo un Foro de encontro no que estean representados todos os elos da cadea de produción e obtención do leite e derivados) mellor lle irá ao agro galego. Canto máis estea o goberno da Xunta a facer que se cumpra a Lei da Cadea Alimentaria, máis difícil lle será ao goberno central mirar cara a outro lado e permitir o incumprimento de dita lei. Canto máis aposte por impulsar a compra pública de pensos para garantir a subministración mellor poderá poñer freo á venda a perdas. Cantas máis axudas impulse para paliar o incremento dos custes de produción (singularmente da enerxía e dos combustíbeis) mellor poderemos superar esta situación tan delicada. En todo isto inciden as medidas presentadas por Xosé Luis Rivas, “Mini”, e Daniel Castro García para o agro ribadense, da Mariña luguesa; de toda Galiza.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
