Mondoñedo 12 de abril 2022: Mondoñedo celebrará as súas tradicionais feiras e festas de As Quendas entre o venres 29 de abril e o domingo 1 de maio, cun amplo programa de actividades, que está a ultimar a Asociación organizadora, a través do que, como é tradición, poñen en valor os recursos agrícolas e gandeiros da zona, ademais de fomentar e apoiar a actividade cultural, a literaria e a musical.
O presidente da Asociación As San Lucas, Miguel Souto, explica que, “tras dous anos sen celebrárense As Quendas, dada a situación pandémica que afectou ao país, nesas datas estábamos confinados ou en estado de alarma, este encontro volve con forza, sen esquecer a súa esencia pero acumulando novidades. Durante estes dous anos traballamos na organización dunhas San Lucas que se adaptasen ás circunstancias que estabamos a vivir e agora, esforzámonos en que As Quendas, traian de novo a Mondoñedo o seu esplendor característico, sendo un dos incentivos anuais de importancia para o noso patrimonio cultural e tamén unha clara aposta polos produtos de proximidade e polas nosas razas de gando e a gandería sostible”.
A feira, unha das de máis tradición de toda Galicia, que dá comezo á tempada de feiras e festas, arranca o venres 29 de abril co pregón que este ano pronunciará no auditorio Pascual Veiga, ás 20:30 horas, Claudia del Pino Martínez, profesional do turismo, formadora e guía de turismo oficial, traballou na oficina de turismo de Mondoñedo e é colaboradora habitual da Asociación As San Lucas
‘Nais’
O sábado 30 de abril, ás 20:00 horas, no Auditorio Pascual Veiga terá lugar a comedia ‘Nais’ de Marc Egea e dirixida por Javier Mariño. A historia xira ao redor de dúas nais novas, ás que dan vida a coñecida colaboradora do Land Rober Eva Iglesias e a presentadora Inma Morandeira, e que se enfrontan a dúas maternidades moi diferentes. As entradas están a venda no portal www.woutick.es
Día grande das festas
O día grande das festas, o domingo 1 de maio, será a xornada na que gocen de especial relevancia os produtos de proximidade e as razas de gando galego. Dende as 9:00 horas, celebrarase a Gran Feira Tradicional de Gando Cabalar no Campo da Feira, haberá postos nas rúas e terá lugar a tradicional festa da Empanada. E como se ven facendo dende 2014, a actividade cultural Mondoñedo é Poesía desenvolverase tamén durante esta xornada convertendo a Mondoñedo o día 1 de maio na capital galega da poesía.
En canto ás orquestras, poñerán música na Alameda, o venres 29 de abril. Grupo Fusión; o sábado 30, a orquestra Ritmo Joven e o Grupo Eureka; e o
1 de maio a orquestra La Favorita.
A Asociación As San Lucas dará a coñecer o programa completo das Quendas 2022, nos vindeiros días.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
