Viveiro, 21 de abril de 2022. Dentro da súa programación anual de dinamización o GALP A Mariña Ortegal ven de incluír una iniciativa educativa e de carácter divulgativo coa que pretende fomentar o coñecemento sobre o sector do mar entre cativos de 3 a 5 anos ao tempo que potencia a súa curiosidade innata.
Despois de semanas de difusión e contacto cos centros educativos e coas vacacións de Semana Santa por medio, o calendario de datas para a realización das actividades xa está pechado: dende o vindeiro 27 de abril ás 10h e ata o 1 de xuño, un total de 15 escolas do territorio cuns 600 escolares de educación infantil formarán parte deste programa.
O calendario levará esta iniciativa polas seguintes localidades:
27 de abril: en O Vicedo e Mañón,
18 de maio: en Viveiro,
19 de maio: en Ortigueira,
23 de maio: en Barreiros e Ribadeo,
25 de maio: en Cariño e Cedeira,
26 de maio: en Foz,
1 de xuño: en Cervo, Xove e Burela.
Das temáticas ofrecidas no programa (Quen vive no noso mar?, Imos á peixería, Basuras mariñas e Artes de Pesca) a máis escollida foi Quen vive no noso mar? escollida por 10 das escolas participantes, seguida de Basuras mariñas escollida por catro delas e Imos á peixería que será realizada nunha das escolas.
O equipo de divulgadores co que o GALP A Mariña-Ortegal conta para este programa está conformado por oceanógrafos/as con experiencia no desenvolvemento de actividades educativas e de divulgación científica en relación ao medio mariño e ao sector da pesca.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
