Burela, 3 maio de 2022. O PP sigue ampliando a súa base na provincia de Lugo. Os populares integran en Burela a nove independentes que se presentaron ás pasadas eleccións na lista de Burela Sempre. Desta maneira, o PP de Burela prepárase para alcanzar a alcaldía nos próximos comicios locais, e devolver ao municipio o liderado que lle corresponde na Mariña e que perdeu debido á caótica xestión do actual goberno socialista. A incorporación dos independentes é o resultado da liña marcada pola dirección provincial do partido para ampliar a base da organización, reforzar a súa estrutura e manter unha continúa escoita activa das preocupacións dos veciños, co fin de buscar as mellores solucións.
A incorporación dos nove independentes procedentes de Burela Sempre prodúcese a raíz de varias reunións, a máis recente e definitiva delas celebradas na tarde-noite do pasado luns, na que os populares estiveron representados pola súa presidenta provincia, Elena Candia; o coordinador xeral e portavoz provincial, José Manuel Balseiro, e o portavoz municipal, Manuel Rouco.
Para o que foi cabeza de lista de Burela Sempre, Carlos Peinó, a incorporación ao PP representa realmente “á volta a casa”, dada a súa anterior vinculación ao partido. Está convencido de que o PP ten moitas posibilidades de conseguir a alcaldía nas próximas eleccións, e que a integración de independentes, como é o seu caso e o dos seus compañeiros, será un paso decisivo para conseguilo. “É moi importante para Burela que o próximo goberno local sexa popular, porque o municipio non se pode permitir por máis tempo o desgoberno que practican Alfredo Llano e o seu equipo”. Peinó di que tanto el como os outros independentes que se incorporan chegan con total vontade de sumar e de traballar para que o próximo goberno de Burela estea presidido por un alcalde popular.
Polo seu lado, o portavoz municipal do PP, Manuel Rouco, di que a incorporación dos independentes procedentes de Burela Sempre enmárcase no obxectivo do PP de ampliar a súa base e demostra a capacidade de diálogo que ten o Partido Popular. Sinala: “A unidade de forzas no PP é fundamental para conseguir o goberno municipal; está demostrado que a dispersión de voto só favorece aos socialistas”.
Rouco sostén que “Burela precisa un goberno popular que poña remedio á desfeita causada polo señor Llano e o seu equipo”. Está convencido de que os socialistas conseguiron “que Burela sexa hoxe o furgón de cola de A Mariña”, en vez de ocupar a posición de liderado que lle corresponde.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
