Xosé Luís Rivas reclamou dar unha resposta urxente a todos os propietarios e propietarias inmersos en procesos de concentración parcelaria dende hai trinta anos
Santiago de Compostela, 27 de maio, 2022. O BNG acada un acordo unánime, tras a proposta defendida polo portavoz de agricultura, Xosé Luís Rivas (Mini) pola que o Parlamento galego instará á Xunta de Galiza a que a “Consellería de Medio Rural continúe co proceso e revise a zona denominada, zona Norte de Mondoñedo que abrangue as parroquias de Coubeira, Masma e Vilamor, e que acometa, ben de oficio ou a instancias dos novos propietarios e en coordinación coa administración local, os traballos necesarios para o acondicionamento de fincas e obras pendentes”.
O parlamentario do BNG tamén reclamou actuacións urxentes nos procesos de concentración parcelaria nos que a propia portavoz do Partido popular, Elena Candia López recoñeceu “erros e irregularidades”. Mini lembrou que os propietarios están “cansos de agardar despois de trinta anos do inicio dos procesos” e moi “fartos” de recibir promesas que logo non se cumpren.
O deputado reiterou que o compromiso acadado hoxe debe materializarse no “Plan de acondicionamento” para defender “os intereses de todos os veciños e veciñas” e insistiu en que o Partido popular goberna no concello dende hai 7 anos con maioría absoluta e 13 anos na Xunta é o normal, ao seu entender, sería que ambos gobernos deran unha resposta tras moitos anos de peticións dos veciños e veciños.
Xosé Luís Rivas incidiu en que a mensaxe da iniciativa do BNG perseguía verbalizar o problema no Parlamento galego para acadar unha solución e acadar un acordo que pode ser un primeiro paso para impulsar o “Plan de acondicionamento” realizado pola técnicos da propia Xunta de Galiza no ano 2012. Ademais, tamén preguntou pola dotación orzamentaria do Plan.
Mini explicou que do ano 2004 ao 2022, van 18 anos, “sete deles con maioría absoluta do Partido popular no concello de Mondoñedo” e se foron detectados erros técnicos como afirmou a portavoz do PP, ten que haber “unha responsabilidade que debe ser depurada”. Nun proceso de concentración parcelaría que é “carísimo” esas responsabilidades, reiterou, deben ser depuradas porque de non é así, estaremos dixo, ante “unha anomalía política”.
O deputado do BNG apelou á continuación do proceso pero sen “cerralo en precario” e criticou que a administración local non axilizara a concentración parcelaria, porque, ao seu xuízo, “o goberno do concello de Mondoñedo que goberna as parroquias afectadas debeu reclamar ante o goberno galego as demandas dos veciños e veciñas durante trinta anos”.
Dende o BNG, entendemos polo mellor resultado posible, “o que corresponde por dereito”, unha “concentración parcelaria finalizada” porque os afectados e afectadas son cidadáns de primeira pero son tratados como cidadáns de terceira e puxo como exemplo un gandeiro con dúas parcelas situadas a unha distancia surcada por unha pista asfaltada cun metro e medio de desnivel dende as parcelas até o asfalto. Que pode facer este propietario? arrastrar terra até nivelar as pacelas coa pista?. Evidentemente, remarcou o nacionalista, hai situacións sobre as que nada se pode facer pero un gran número delas teñen solución e resulta “fulcral” resolvelas, concluíu.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
