Os populares queren que no orzamento se prevea avanzar no PXOM e fondos para elaborar o plan especial do casco antigo
Foz, 30 de maio de 2022. Un ano máis, o alcalde de Foz, Fran Cajoto (PSOE), foi incapaz de elaborar e aprobar en tempo e forma o orzamento municipal anual. Unha vez máis, o municipio chega á metade do ano sen ter aprobado o plan económico para o exercizo; é unha das mellores mostras da súa falta de xestión e de traballo. Así o sinala a concelleira popular Verónica Soto, que destaca que “a piques de rematar o mes de maio, no Concello de Foz estamos sen orzamentos municipais, a pesar de ter o goberno local máis amplo e máis caro da historia do noso Concello”. Soto confirma que o PP acaba de presentar un escrito con varias propostas, por se o equipo de goberno ten a ben coller algunha delas.
No PP, di Soto, “entendemos que o proceso natural para a tramitación do orzamentos sería reunir aos grupos, como se fixo sempre cando gobernaba o Partido Popular; o normal sería facer varias reunións de portavoces e analizar todas as propostas”. Pero parece que o alcalde vai facer como nestes últimos anos e os orzamentos non serán consensuados coa oposición. “En todo caso, o PP fai o seu traballo e presenta propostas”, sinala a concelleira.
Verónica Soto explica: “Unha delas, cremos que moi importante, é para que se manteña a titularidade da residencia da terceira idade e se siga coas axudas de emerxencia, para facilitar o acceso á mesma aos veciños de Foz”.
Outra proposta, en materia de urbanismo, “é para aprobar unha partida para seguir co plan xeral e elaborar o PEPRI para desenvolver a zona antiga”. O PP propón aprobar unha partida para a compra dos terreos aledaños ao centro de saúde, para cumprir o compromiso coa consellería de Sanidade para amplialo.
A mesma concelleira sinala que os populares propoñen tamén aprobar unha partida para un plan de emprego municipal, especialmente importante en época estival.
Soto di: “Igualmente, queremos unha partida para desenvolver o plan de mobilidade e outra para o pintado das prazas e viais dos aparcadoiros públicos recentemente pavimentados. Tamén propoñemos deseñar un plan de estradas municipais cun reparto xusto e equitativo entre as parroquias e o núcleo urbano”.
Por outra parte, manifesta que “nas nosas propostas figura a de incluír na Relación de Postos de Traballo o posto de xefe de estudos da Escola Municipal de Música”.
Outras propostas populares son as seguintes: En materia tributaria, eliminar o imposto de plusvalía e reducir o IBI e tamén que se cumpra o acordo de compensación con Forxán, porque se están incumprindo os compromisos con esta parroquia para a nova depuradora.
Outras suxestións son para ampliar os puntos wifi gratuítos e estendelos á zona rural, así como mellorar e modernizar o alumeado público especialmente nas entradas do núcleo urbano.
Soto sinala: “Esperemos que se non son aceptadas todas as nosas propostas para o orzamento, polo menos se faga uso dalgunha. Nós pretendemos participar ao máximo na elaboración dos orzamentos para o ano en curso”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
