Lugo, 9 de xuño de 2022. A Vicepresidencia da Deputación de Lugo impulsa unha nova edición do Volante Deputación, un programa deportivo e formativo que ofrece a pilotos noveis a oportunidade de iniciarse na competición automobilística.
O deputado de Deportes Efrén Castro, a tenente de alcalde da Pastoriza Elva Carreira e o director de PTC Escuela Antonio Solórzano presentaron este mediodía o evento que se celebrará os días 9 e 10 de xullo no circuíto da Pastoriza.
O programa mantén o formato das edicións anteriores, cunha parte formativa na que as persoas participantes reciben un curso de condución para igualar e equilibrar os coñecementos entre uns e outros, e outra puramente competitiva, cunha proba cronometrada da que sae o vencedor do Volante Deputación de Lugo, que recibe como premio a participación como piloto titular no Rally San Froilán 2022, dentro da estrutura do equipo de competición PTC.
O deputado de Deportes, Efrén Castro, subliñou “a posibilidade que o Volante Deputación ofrece a pilotos noveis para formarse e entrar en contacto coa competición de forma gratuíta, alimentando desde a base a afección ao automobilismo que ten moito arraigo nas distintas comarcas como se reflicte nas distintas probas federadas que se disputan na provincia e que tamén apoiamos desde a Vicepresidencia”.
A tenente de alcalde da Pastoriza, Elva Carreira, tamén expresou a súa satisfacción pola continuidade do Volante Deputación que “pon en valor unhas instalacións ubicadas no concello e converte Pastoriza nun punto de referencia para os afeccionados e afeccionadas ao automobilismo”
Inscricións do 20 de xuño ao 6 de xullo
O prazo para enviar os formularios de inscrición ábrese o luns 20 de xuño ás 9:00 horas e remata o mércores 6 de xullo ás 24:00 horas. As solicitudes, que estarán dispoñibles na web de PTC Escuela, deberán enviarse ao enderezo electrónico piloto@ptcescuela.com.
Entre os requisitos de participación, figuran os seguintes:
– Ter entre 18 e 32 anos na data de celebración da selección (9 e 10 de xullo de 2022).
– Estar empadroado/a en calquera dos municipios da provincia de Lugo, con anterioridade ao 20 de xuño de 2022.
– Non ter quedado como piloto (condutor/condutora) entre os 5 primeiros postos de calquera trofeo, copa ou campionato de ámbito nacional ou rexional de calquera disciplina automobilística, con excepción do karting, nos últimos 8 anos (2015‐2022, ámbolos dous incluídos).
– Non ter quedado como piloto (condutor/condutora) entre os 5 primeiros postos da xeral na clasificación final de calquera evento ou proba de ámbito nacional ou rexional de calquera disciplina automobilística, con excepción do karting, nos últimos 8 anos (2015‐2022, ámbolos dous
incluídos).
– Non ter gañado ningunha edición do denominado “Volante Deputación” ou outra selección de pilotos celebrada nos últimos 10 anos. (2012‐2021, ámbolos dous incluídos)
A selección dos participantes do Volante Deputación farase por estrita orde de recepción do mail coa documentación solicitada, totalmente cuberta e asinada, ata cubrir as 160 prazas dispoñibles.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
