Os populares din que o contrato do SAF, que leva tres anos caducado, non se renovará ata o final da lexislatura pola falta de xestión, pola incapacidade do goberno local e por non escoitar á oposición
Foz, 4 de xullo de 2022. O Servizo de Axuda no Fogar (SAF) é un dos máis importantes que presta o Concello de Foz. A pesar diso, o goberno local manteno caducado dende hai tres anos e, a súa mala xestión, pode facer que non o estea ata o final da lexislatura. O portavoz popular, Javier Castiñeira, sinala: “O pasado xoves, no pleno ordinario da corporación municipal, asistimos a un novo esperpento protagonizado polo equipo de goberno de Foz; asistimos a unha nova mostra da incapacidade e da falta de xestión do goberno máis amplo e máis caro que nunca tivo o Concello de Foz. Tamén esta vez nun asunto importante e que xa denunciou o PP, concretamente o contrato do servizo de Axuda no Fogar, que leva máis de tres anos caducado”.
Castiñeira explica: “En marzo deste mesmo ano levaron a pleno este contrato e o PP dixo ao equipo de goberno que non se contara con el para preparar este contrato tan importante porque tiña grandes fallos: estaba desactualizado, a memoria económica estaba feita en xaneiro do 2021 e estabamos en marzo de 2022 e contemplábase un IPC do 1,5 cando nesas épocas estabamos xa no 8%”. Engade: “ Probablemente isto fora froito de recursos e alegacións tanto da patronal, das empresas de xestión de asistencia social máis os propios sindicatos. Iso foi o que pasou e agora o equipo de goberno trae a presa e por urxencia a desestimación desa licitación. Naquel momento non nos quixo facer caso”. Os populares propoñían “deixalo enriba da mesa e arranxalo, pero o alcalde e o BNG dicían que estaba todo ben”.
O portavoz popular di: “Perdemos tres meses e agora o equipo de goberno decide facer caso ao PP e volver a traballar sobre ese contrato. O malo é que imos acabar a lexislatura sen adaptar ese contrato. Os máis prexudicados neste caso son os traballadores, que teñen o seu convenio desactualizado, a propia empresa, que está a facer o traballo con prezos moito menores do que o tiña que facer e seguimos poñendo en risco este servizo que é un dos máis importantes”.
En resumo, segundo sinala Castiñeira, “unha mostra máis da falta de xestión e da falta de negociación e da falta de confianza na oposición, que traballa en positivo, que di as cousas ao alcalde con base na experiencia despois de gobernar oito anos; estamos a traballar sempre para mellorar o noso concello pero o alcalde prefire pasar o rodillo. Lamentamos esta situación, non nos alegramos, pero dálle a razón ao PP nas súas denuncias en marzo de 2022”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
