O programa inclúe entre os seus obxectivos potenciar unha produción acuícola sustentable con medidas como a posta en marcha de ferramentas para o abastecemento estable de semente na produción de moluscos bivalvos
09,00 h.- A conselleira do Mar, Rosa Quintana, participará na presentación do Programa de Ciencias Mariñas de Galicia, no que colaboran a Xunta de Galicia, as tres universidades galegas e o Consello Superior de Investigacións Científicas (CSIC).
foto xoán crespo
Santiago de Compostela, 27 de xullo de 2022. A conselleira do Mar, Rosa Quintana, participou hoxe na presentación do Programa de Ciencias Mariñas de Galicia -froito do traballo en rede de máis de 250 investigadores- onde salientou o potencial da comunidade no eido da investigación mariña e puxo este plan como exemplo da colaboración entre os distintos centros galegos para acadar un desenvolvemento sostible das actividades vencelladas co mar.
A representante do Executivo galego lembrou que esta iniciativa -financiada ao amparo do Mecanismo de Recuperación e Resiliencia dos Fondos Next Generation Europe- conta coa participación de preto de 90 grupos de investigación pertencentes ás institucións galegas máis punteiras entre as que se atopan seis centros de investigación dependentes da Xunta (Cesga, Cetmar, CIMA, Igafa, Intecmar e Meteogalicia), as tres universidades públicas galegas e catro centros dependentes do Consello Superior de Investigacións Científicas (CSIC).
Este proxecto busca dar solución ás necesidades máis inmediatas do sector mariño galego mediante o desenvolvemento das tecnoloxías mariñas e a dixitalización, así como a educación ambiental, ao tempo que trata de fortalecer as sinerxías entre os axentes de investigación e o tecido empresarial para afrontar os retos futuros da pesca e a acuicultura, o turismo costeiro e mariño ou a economía azul.
A titular de Mar incidiu en que esta acción permitirá acadar un modelo integrado de xestión do fluxo de coñecemento científico en ciencias mariñas adaptado ao contexto ambiental, sociocultural, económico e institucional de Galicia. Trátase dunha investigación multidisciplinar no eido das ciencias sociais e ambientais para acadar o desenvolvemento sustentable e resiliente da contorna costeira.
Un dos tres grandes retos do programa galego é desenvolver unha estratexia de gobernanza permanente da observación e monitorización do ecosistema mariño en todas as súas dimensións, o que permitirá obter a información necesaria para garantir un aproveitamento máis sustentable dos seus recursos. Nesta liña, a comunidade desenvolverá ferramentas e tecnoloxías innovadoras para construír unha plataforma de datos integrada no centro de supercomputación galego.
O plan tamén pretende potenciar unha produción acuícola sustentable mediante a mellora da investigación xenómica -para mellorar os resultados do sector-, desenvolver ferramentas para o abastecemento estable de semente na acuicultura de moluscos bivalvos, mellorar a prevención e control de patoloxías e xerar novos sistemas de cultivo sustentable baseados na acuicultura multitrófica.
O terceiro obxectivo é a transformación social e económica e a transferencia, capacitación e capitalización do coñecemento cara unha auténtica economía azul sustentable. Abordarase mediante unha investigación multidisciplinar no eido das ciencias sociais que inclúa ramas como a física, a química, a xeoloxía ou a bioloxía, entre outras.
A titular de Mar, que estivo acompañada por distintos responsables da Consellería, salientou que se trata dun programa pioneiro en España co que se aglutina a experiencia da comunidade científica e os intereses e necesidades da industria do mar. Ao longo desta mañá distintos expertos exporán as liñas de traballo que prevé o programa e a xornada será clausurada pola directora da Axencia Galega de Innovación (GAIN), Patricia Argerey.
A Xunta lembra que a I+D+i é prioritaria para o sector, xa que lle permitirá posicionarse para gañar competitividade a futuro e avanzar en dar resposta a retos globais como a protección e xestión sostible dos ecosistemas mariños. Precisamente, a xestión innovadora dos recursos naturais, como a pesca ou a acuicultura, e a sostibilidade son prioridades da Estratexia Galega de Especialización Intelixente 2027 (RIS3), a estratexia global de Galicia para mellorar a competitividade, o crecemento económico e o emprego sostible e de calidade a través da innovación.
O traballo de Galicia
O Programa de Ciencias Mariñas de Galicia forma parte dos Plans Complementarios previstos no Plan de Recuperación, Transformación e Resiliencia do Estado e conta cun financiamento de 10 millóns de euros aportados polo Plan de Recuperación e por Galicia ao amparo do Fondo Europeo Marítimo e da Pesca (FEMP).
O programa específico galego é o resultado do traballo en rede de máis de 250 investigadores da comunidade científica galega. De feito, o plan de Galicia está organizado en 11 áreas, 38 actuacións, 132 actividades e 293 tarefas e nel participan preto de 90 grupos de investigación de distintas institucións galegas, entre as que están as tres universidades públicas galegas, catro centros do Consello Superior de Investigacións Científicas e seis centros de investigación dependentes da Xunta.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
