Francisco Mon lamentou a falla de sensibilidade e de empatía do PP, trala celebración da sesión plenaria de xullo, “na que votaron en contra de dúas iniciativas para demandar melloras sanitarias na vila”
Cervo, 1 de agosto de 2022. O Grupo Municipal Socialista de Cervo lamentou hoxe a falla de sensibilidade e de empatía do PP, trala celebración da sesión plenaria do mes de xullo, na que votaron en contra das dúas iniciativas para demandar melloras sanitarias no Concello, tal e como denuncia a propia veciñanza.
O Voceiro Socialista, Francisco Mon remarca en primeiro lugar que o PSdeG defendeu unha moción, polo tramite da urxencia, “coa que demandabamos cubrir totalmente o cadro de persoal sanitario e as prazas existentes nos dous centros de saúde do Concello. Pero lamentablemente ao Alcalde e aos seu equipo de Goberno este asunto non lles parece prioritario, xa que nin sequera se dignaron a debatelo e incluílo na orde do dia”, critican.
Os socialistas manteñen que “a política de recortes e desmantelamento da Sanidade Pública levada a cabo polo Partido Popular ten afectado dun xeito considerable á provincia de Lugo e moi en particular o Concello de Cervo”. O Voceiro explicou que o centro de saúde de San Cibrao tiña 3 médicos, “pero debido as xubilacións, baixas e vacacións, actualmente só queda un, polo tanto entre os dous centros de Cervo só hai dous médicos cando tiña que haber un en Cervo e 3 San Ciprián. Agora, a Xunta do PP deixa sen médico dous días á semana o centro de Cervo, para trasladalo a dar consulta a San Cibrao, obrigando a tódolos pacientes a desprazarse ata alí tamén”. Ademais a propia veciñanza denuncia publicamente que existe unha demora nas citas de 4 a 10 días. E insisten nas súas criticas “non se poden ignorar ás preto de 1000 queixas que formularon as veciñas e veciños a través da Plataforma sanitaria”.
Hai que escoitar aos veciños e darlles solucións
“Hai que escoitar aos veciños e darlles solucións”, sianlan dende o PSdeG. O Alcalde, Alfonso Villares volve a darlles as costas a xente do seu Concello tal e como fixo no año 2013., cando o goberno do PP na Xunta, quixo cerrar o centro de saúde de Cervo, “pero ante a mobilización e a loita veciñal púidose manter, ainda que castigaron o centro de saúde de San Ciprián quitándolle un médico. A súa actitude de pasividade é a mesma que naquelas datas, só que agora quere trasládarlle a culpa o goberno de España, cando a competencia en materia sanitaria na nosa comunidade é da Xunta e do Goberno do PP”.
Plataforma na Defensa da Sanidade Pública da Mariña
Pero ademais nesta mesma sesión plenaria, a orde do dia tamén incluía unha iniciativa sobre o servizo de saúde mental na comarca que rexistrou a Plataforma na Defensa da Sanidade Pública da Mariña., na que tamén votaron en contra argumentado que a exposición de motivos non era certa ou era inexacta.
O voceiro socialista, Francisco Mon alude as cifras e sinala que no último Goberno de Touriño no 2009, había contratados 9.610 médicos na Atención Primaria . E actualmente co Goberno do PP no último orzamento constan 8.634, polo tanto son 976 profesionais menos, “Estes son os datos reais e as cifras do PP, recortes, retrasos e paralizacións”, insisten.
Agradecemento aos sanitarios
Por último, o Grupo Socialista quere deixar constancia da profesionalidade e do sobreesforzo de todo o persoal da sanidade pública galega. “As súas demandas, coma as queixas que presentan tamén os doentes, non poden ser ignoradas polo Goberno da Xunta, que carece dun modelo sanitario racional que de resposta ás necesidades da poboación, como acontece no concello de Cervo”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
