Dende o PP local lembran que “tampouco levaron a cabo o desbroce das marxes das pistas dos distintos barrios do municipio, como para pensar en desbrozar as dos montes”
Lourenzá, 5 de agosto de 2022. O Partido Popular de Lourenzá condena que “o goberno local socialista nin sequera solicitara á Xunta a axuda para dispoñer dunha brigada contra incendios no noso concello”.
Os populares consideran que “a falta de xestión do PSOE volve ser protagonista en Lourenzá. Mentres que outros concellos da Mariña contan con estas brigadas, Lourenzá non disporá deste servizo. Pero xa non nos sorprende que o goberno local socialista non solicite a axuda porque é un proceder habitual”, manifestan.
Dende o PP local consideran que se trata dunha “neglixencia” ao “deixar de realizar labores para a prevención” e, no seu caso, extinción de posibles incendios forestais no noso termo municipal. “A brigada podería estar facendo labores de roza nas pistas nos montes que cremos que é bastante necesaria”, engaden.
Lembran que “este goberno aínda non xestionou o desbroce das marxes das pistas dos distintos barrios do municipio, como para pensar en desbrozar as dos montes”, consideran.
Emprego
Os populares lamentan tamén que, deste xeito, “o goberno local decidiu deixar de crear catro postos de traballo” tendo en conta que, “nos tempos que corren, sería positivo crear emprego en Lourenzá”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
