O novo vicevoceiro lembra que “a Deputación, como todas as entidades locais, vaise beneficiar do incremento da participación nos tributos do Estado” e ten que tomar en consideración “que os concellos, que prestamos servizos de abastecemento de auga e de saneamento, vemos incrementada notablemente a nosa factura da luz”
Lugo, 9 de setembro de 2022. O alcalde de Castro de Rei, Francisco Balado, asume a viceportavocía do grupo provincial do PP que quedou vacante pola recente renuncia de Agustín Baamonde como deputado. O portavoz popular, Javier Castiñeira, anunciou dende Castro de Rei a nova responsabilidade que desempeñará Balado e este estréase coa reclamación ao goberno presidido polo socialista José Tomé de que, ao fío do novo orzamento, incremente o Plan Único ata os 26 millóns de euros, para cumprir o compromiso que adquiriu ao principio do mandato de subir dito plan nun 25%. Balado demanda tamén a mellora da vía que constitúe o cinto comarcal.
Castiñeira sinala: “Dende Castro de Rei, o grupo provincial do PP quere anunciar que o alcalde deste municipio, Francisco Balado, será vicevoceiro popular na Deputación en substitución de Agustín Baamonde. Balado é un compañeiro que xa ten intervido en diferentes sesións plenarias; é unha voz importante do Partido Popular e un alcalde recoñecido. Será a voz de non só de Castro de Rei senón de todos os concellos pequenos e medianos que necesitan que os defendan con forza, porque en moitas ocasións son ninguneados polo goberno da Deputación”.
Balado, pola súa parte, declarou: “Dende o Concello de Castro de Rei asumo este novo cometido con moita ilusión e tamén con moitas ganas de continuar traballando en nome da provincia e do grupo do Partido Popular, como levamos facendo nestes tres anos dende que comezou a lexislatura”. Explicou: “Agora que arranca o curso político, queremos facer un chamamento á Deputación Provincial para que dunha vez cumpra o compromiso que anunciou ao comezo da lexislatura de incrementar o Plan Único no 25%; empezou este mandato en 21 millóns de euros e neste exercicio incrementouse ata os 21,5 millóns de euros, pero para cumprir ese compromiso do 25% tería que chegar ata os 26 millóns de euros”.
Francisco Balado destaca que “a Deputación, como todas as entidades locais, vaise beneficiar do incremento da participación nos tributos do Estado”. Engade: “Todas as Deputacións deben pensar nos concellos, neste contexto complexo no que os concellos que prestamos servizos de abastecemento de auga e de saneamento, vemos incrementada notablemente a nosa factura da luz. A Deputación non presta estes servizos, pero si será receptora de fondos e vaise ver beneficiada dese incremento na participación dos tributos do Estado, por iso queremos que cumpran ese compromiso que anunciaron ao principio da lexislatura de incrementar o Plan Único un 25%, ata os 26 millóns de euros; ten que pensar nos concellos e en que asumen gastos extraordinarios como consecuencia da suba da factura eléctrica e dos carburantes”.
En canto á rede viaria, Balado demanda á Deputación “que destine fondos a mantemento e conservación da rede viaria”, en concreto para o cinto comarcal, unha vía que ten máis de 100 quilómetros e que vertebra boa parte do centro da provincia de Lugo. Explica: “Hai zonas deste cinto comarcal, e unha delas é Castro de Rei, nas que esta vía está en mal estado de conservación, así como outras estradas de titularidade provincial que precisan ser reparadas antes de que chegue o inverno e o seu deterioro aumente”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
