Ribadeo, 30 de setembro de 2022. Dende o 1 de outubro en Ribadeo xa se poderá pagar con Panchas, coa a moeda local, coa que será posible mercar e gastar ata o 31 de decembro en máis de 100 establecementos de comercio, hostalaría, algúns servizos e este ano, como novidade, tamén no cine da vila.
O concelleiro de Desenvolvemento Local, Pablo Vizoso, dixo que “ao igual que na campaña anterior, a compra e uso da moeda será totalmente dixital, a través dun moedeiro, o Panchapeto, que se poderá adquirir na páxina web www.pancharibadeo.com, onde tamén se atopa toda a información sobre a campaña, sobre as condicións e sobre os establecementos participantes”.
O edil nacionalista subliñou que “nesta cuarta edición incrementarase o valor do aforro total, que pasa de 70 a 100 euros por persoa. Poderanse ir mercando Panchas en fraccións de 30 euros ata un máximo de 300, que se poderán canxear por 400 Panchas. Tamén se incrementa o número de Panchas permitido por operación, que pasa de 80 a 130. En caso de ser unha compra por un importe superior, a cantidade restante ata o total deberá abonarse en euros”.
Vizoso Galdo indicou que “o Concello realiza unha forte inversión, tanto desde o punto de vista económico como de persoal, para esta campaña que sitúa a Ribadeo como referente nacional, que dinamiza as nosas rúas e que supón unha gran axuda para todas as persoas participantes, especialmente neste contexto económico de alza de prezos”.
O concelleiro de Desenvolvemento Local contou que “nesta ocasión o Concello fixo un investimento de mais de 85.000 euros de fondos públicos, o que se traduce en 200.000 Panchas que se gastarán en Ribadeo durante o período da campaña e que suporán un retorno económico moi superior, ao igual que ocorreu nas outras edicións”.
Pablo Vizoso seguiu a relatar que “desde o Concello ponse a disposición de todas as persoas que o precisen a axuda por parte da Área de Desenvolvemento Local ou das oficinas de Acisa, que actúa como entidade colaboradora, para asesorar e axudar a todas as persoas que teñan algunha dúbida, algunha incidencia ou algunha consulta relacionada co seu Panchapeto ou coa operativa da campaña”.
O edil ribadense anima “á toda a poboación de Ribadeo e dos concellos dos arredores, do resto da provincia e do Occidente de Asturias, a participar nesta iniciativa pioneira e que leva xa tres anos dando tantos éxitos e con tan boa acollida na nosa vila”.
Vizoso asegurou que “con esta iniciativa todas as persoas nos beneficiamos, tanto os establecementos participantes como as persoas consumidoras, porque podemos acadar un aforro nas compras de ata 100 euros, ademais de contribuír a fomentar o comercio de proximidade e a dinamizar e desenvolver o noso Ribadeo”.
A cuarta campaña das Panchas foi presentada esta mañá. Ao acto asistiron o alcalde, Fernando Suárez, o concelleiro de Desenvolvemento Local, Pablo Vizoso, así como unha representación dos establecementos participantes e de Acisa Ribadeo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
