Os interesados terán que rexistrase na web do bono co seu correo electrónico na opción “Solicitar bono en Correos”, completar e firmar o formulario e presentalo en Correos xunto co DNI ou NIE
Lugo, 17 de outubro 2022. A subdelegada do Goberno en Lugo, Isabel Rodríguez, animou hoxe á mocidade lucense a solicitar nas oficinas de Correos da provincia o Bono Cultural Xove que o Goberno ampliou ata o 31 de outubro. En total, son 2.341 mozos e mozas os que poden beneficiarse deste programa con axudas de 400 euros que o Ministerio de Cultura destina ás persoas de 18 anos para adquirir produtos e gozar de actividades culturais durante un ano.
Durante a visita a unha oficina de Correos na cidade de Lugo, Isabel Rodríguez, acompañada da alcaldesa, Lara Méndez, e traballadores da sede, explicou que o Goberno, en colaboración con Correos, abriu un novo proceso de solicitude presencial, sen necesidade de que os rapaces teñan que facelo a través da identificación dixital. “Facilitamos a participación ás persoas interesadas cun proceso máis sinxelo e rápido”, destacou. Así, os interesados só terán que rexistrase na web do bono https://bonoculturajoven.gob.es/, co seu correo electrónico na opción “Solicitar bono en Correos”, completar e firmar o formulario e presentalo en calquera oficina de Correos xunto co DNI ou NIE. Unha vez presentada a solicitude e cotexados os datos persoais, Correos trasladará esas solicitudes ao Ministerio de Cultura para a súa resolución.
“Non queremos que ninguén se quede atrás coa axuda. É unha oportunidade magnífica e queremos que todos os lucenses de 18 anos poidan beneficiarse deste proxecto co que o Goberno busca universalizar o acceso á cultura, crear novos públicos, fomentar a diversidade cultural e, deste xeito, impulsar a recuperación dun sector tan importante como o cultural”, subliñou a subdelegada, que avanzou que a día de hoxe máis de 600 persoas xa solicitaron esta axuda na provincia.
Durante o encontro Isabel lembrou que esta iniciativa que pon a disposición o Goberno conta cun investimento na provincia de 936.000 euros. Neste eido, valorou a posta en marcha deste proxecto en tempo récord, pois só 4 meses despois da publicación no BOE das normas reguladoras abriuse o prazo para a adhesión de empresas e entidades culturais, así como dos mozos e mozas. Ademais, puxo en valor que o Goberno inclúa no proxecto de Presupostos Xerais do Estado para o ano 2023 o Bono Cultural Xove renovando as axudas desta programación dirixida aos máis novos.
Por último, a subdelegada destacou que “estas axudas tamén servirán para dinamizar o comercio de proximidade nos concellos da provincia, ademais, de contribuír a xerar hábitos de consumo de produtos e actividades culturais entre os máis novos”.
O Ministerio de Cultura decidiu ampliar o prazo para solicitar o Bono Cultural Xove ata o 31 de outubro para chegar ao maior número de persoas posibles. Ademais da alternativa de poder facer a xestión a través das oficinas de Correos, o Goberno mantén a opción de poder rexistrarse a través da app específica do programa mediante certificado dixital ou chave PIN. Unha vez concedida a axuda, recíbese unha tarxeta física ou virtual, cargada cos 400 euros da axuda, para usar en todas as empresas culturais adheridas ao programa.
3 liñas de axuda
O Bono Cultural Xove do Goberno está dividido en 3 apartados, para fomentar o acceso a diversas expresións culturais. Concretamente, son 200€ para artes en vivo, patrimonio cultural e audiovisuais; 100€ para produtos culturais en soporte físico como libros, revistas, prensa, videoxogos, discos, entre outros; e 100€ para consumo dixital como subscricións a plataformas musicais, audiolibros, prensa dixital, videoxogos en liña, descarga de podcast, entre outros.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
