A propósito do Día Contra a Violencia de Xénero, damos a coñecer este proxecto pioneiro en todo o estado español a través dun pequeno vídeo que se publicará o propio 25N
Cervo, 24 de novembro de 2022. No ano 2018, Saúde Mental A Mariña, asociación federada en Saúde Mental FEAFES Galicia, puxo en marcha un proxecto de vivenda tutelada para mulleres con problemas de saúde mental que son vítimas de violencia de xénero. A propósito do Día Contra a Violencia de Xénero, queremos dar a coñecer este recurso a través dun vídeo que se poderá ver a partir de mañá, 25N, ver nas redes sociais da federación e da asociación.
Esta iniciativa, pioneira en España, busca ofrecer un entorno seguro e atender as necesidades destas mulleres, que ata ese momento non contaban con ningún recurso específico para elas. A atención esténdese a diversos ámbitos como o laboral, o sanitario, o social ou o xudicial, contemplando todos os aspectos necesarios para que poidan desenvolver unha vida lonxe da violencia de xénero.
“Facemos unha atención especializada e levámola a todas as áreas específicas que precisa cada caso”, explica María José Nóvoa, directora de Saúde Mental A Mariña. Engade que esa atención só é posible grazas ao traballo dun equipo interdisciplinar que está dispoñible 365 días do ano ás 24 horas.
Vanesa García, primeira coordinadora que tivo a vivenda, asegura que as necesidades destas mulleres van máis alá da atención psicolóxica: “Cando chegan, presentan grandes carencias e moitas delas non se ven, como a autoestima ou crer nas súas capacidades. Por iso, hai que atender aspectos moi diversos”.
Tras unha primeira valoración de acollida ás mulleres que ingresan na vivenda, elabórase un proxecto individual de intervención adaptado a cada caso, xa que existen perfís moi diversos: “Temos mulleres con estudos superiores, mulleres con dificultades na lectoescritura; mulleres con apoio familiar, mulleres sen apoios; mulleres que teñen fillos, mulleres que non os teñen…”, explica Diana Durán, a actual coordinadora da vivenda protexida.
Desde que arrancou a iniciativa no 2018, a vivenda acolleu a 17 mulleres e dúas crianzas. No que vai de 2022, foron atendidas 5 mulleres e unha bebé, pois neste proxecto acóllese ás mulleres que o precisan e tamén ás súas fillas e fillos, ou mesmo a ascendentes con algún tipo de dificultade, de ser o caso.
María José Nóvoa, directora de Saúde Mental A Mariña, agradece o apoio recibido por parte da Consellería de Fomento do Emprego e Igualdade, nomeadamente da Conselleira María Jesús Somoza e da Secretaria Xeral de Igualdade, Susana López Abella; para levar a cabo este proxecto que cubre unha necesidade que ata o momento estaba desatendida.
Dende Saúde Mental FEAFES Galicia e a asociación Saúde Mental A Mariña, queren aproveitar este 25 de novembro para reivindicar os dereitos e as necesidades específicas das mulleres vítimas de violencia de xénero que teñen ademais algún problema de saúde mental.
Saúde Mental FEAFES Galicia é unha entidade sen ánimo de lucro constituída en 1995 coa misión de representar e defender os dereitos e necesidades das persoas con problemas de saúde mental. De carácter social, esta entidade ten como obxectivo principal a mellora da calidade de vida destas persoas e das súas familias. Actualmente agrupa a 12 asociacións repartidas por toda a comunidade galega con centros e servizos en preto de 30 localidades.
Saúde Mental A Mariña é unha asociación de ámbito autonómico que traballa na mariña lucense, fundada en 1999 por familias que uniron os seus esforzos para loitar por un obxectivo común: que as persoas con problemas de saúde mental e as súas familias reciban unha axuda e asistencia continuada, buscando a súa integración na sociedade e logrando a súa rehabilitación psicosocial e laboral. Actualmente conta cunha unidade residencial en Cervo, tres centros de rehabilitación psicosocial e laboral en Burela, Ribadeo e Viveiro, e varias vivendas protexidas. Ademais, está traballando arreo para conseguir poñer en marcha un centro de día e unha nova unidade residencial e en Cervo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
