Os populares din que o goberno provincial sacouse onte a careta e deixou claro que a participación cidadá na gobernanza da Deputación non lle interesa nada, por máis que sempre fale dela en procesos electorais
Lugo, 30, novembro de 2022. Como en tantas outras frontes da xestión da Deputación, a realidade e o relato do goberno provincial seguen camiños moi diferentes. Este feito quedou de novo de manifesto na sesión plenaria celebrada pola corporación provincial o pasado martes. Ocorreu no debate do orzamento da institución para o próximo ano, pero foi aínda moito máis evidente no debate e votación da proposta defendida polo PP para a creación do Consello Provincial da Veciñanza, dentro da estrutura da propia Deputación, e como órgano necesario para dar participación verdadeira, real, ás asociacións de veciños. PSOE e BNG rexeitaron a creación do Consello. O portavoz popular, Javier Castiñeira, sinala: “Lamentablemente no día de onte vivimos un feito insólito na Deputación de Lugo diante da moción que presentou o Partido Popular para crear o Consello Provincial da Veciñanza. A iniciativa tiña por obxectivo o de intentar dar voz aos veciños dentro desta institución, mediante a creación dun órgano participativo que fixera xustiza ao movemento veciñal lucense, exemplo en toda Galicia e en todo o país”.
Castiñeira explica: “Membros do goberno provincial criticaron este movemento veciñal. Parece ser que só lles interesan os veciños que os votan e non os que representan á totalidade dos veciños, como é a Federación de Asociacións. Lamentamos moitísimo as palabras da vicepresidenta, non rexeitada polos seus socios do goberno, sinaladamente do presidente, José Tomé”. Engade: “PSOE e BNG son grupos políticos que nas eleccións ofrecen ás asociacións orzamentos participativos para tratar de convencelos para que os voten, pero despois cando se presenta unha moción para que eses veciños formen parte dun órgano participativo da Deputación, son os que votan non”.
Castiñeira sinala: “Lamentablemente este é o goberno que temos na Deputación de Lugo, para o que ou se está con el ou se está en contra. Neste caso parece que lles molestou que o PP se reunise coa Federación de Asociacións para saber cales son as súas inquedanzas e para levar ao pleno esta moción, que era importante de cara ao futuro desta provincia e que algo que pide a propia Comisión Europea”.
A participación cidadá na gobernanza é algo imparable, por máis que partidos como o PSOE ou o BNG intenten desvirtuala cando gobernan. En la Participación ciudadana en el ámbito local europeo, Ernesto Ganuza Fernández, polo Instituto de Estudios Sociales de Andalucía (CSIC), sinala: “(… ) la desconfianza hacia las instituciones políticas y públicas, (…) no apunta hacia las instituciones democráticas, sino hacia su forma de operar. Esto significa, como decía el informe de la OCDE (2001), incorporar los costes de la participación como costes naturales de la eficiencia, porque en realidad no se trata sólo de participar, sino crear las tramas institucionales necesarias para que sea posible la participación (…)”. “Nin máis nin menos pretendía o grupo provincial do PP coa moción para a creación do Consello Provincial da Veciñanza”, sinala Castiñeira.
O portavoz popular indica: “Como dixo nunha das súas intervencións noutros asuntos o deputado socialista Rivera, o goberno provincial sacouse onte a careta. Coa súa posición, deixou claro o que lle importa a participación no proceso de gobernanza: nada”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
