Ribadeo, 13 de decembro de 2022. No salón de plenos do Concello foi asinado o convenio de colaboración da subvención nominativa deste 2022 co Ribadeo FC. O montante ascende a 15.000 euros.
O alcalde, Fernando Suárez, explicou que “tal e como tiñamos previsto acabamos de asinar o convenio de colaboración entre o Concello e mais o Ribadeo FC. Para iso outorgase a este club a cantidade de 15.000 euros de fondos propios do orzamento municipal. E concluímos así a rolda de sinaturas de convenios que tivemos cos diferentes clubs deportivos das diferen0t00es especialidades que se practican aquí en Ribadeo”.
O rexedor dixo: “debemos subliñar a importante achega que se efectúa ao Ribadeo FC, pois dos 11 clubs que reciben axudas, este é o que máis achega recibe, significando un 35% do total de fondos. O resto de clubs, de baloncesto, de hóckey, de piragüismo, de remo, de fútbol sala, de atletismo, de tenis de mesa, de sendeirismo, de pesca, etc, reciben entre todos 28.000 euros, isto é o 65% restante”.
Suárez Barcia manifestou: “por iso o Ribadeo FC, ao igual que o resto de clubs deportivos, quedan comprometidos á promoción do deporte base así como ao cumprimento no establecido no convenio de colaboración, como poden ser a xustificación dos gastos nos conceptos sinalados, a exhibición dos logotipos do Concello nos lugares destacados da vestimenta, a presentación dos gastos subvencionados correspondentes ao ano natural, con facturas de curso legal, etc”.
O alcalde ribadense subliñou: “desde o Concello queremos destacar o enorme compromiso que temos co fútbol como así o demostran as axudas ás dúas entidades de fútbol que temos aquí na vila e os cuantiosos investimentos feitos nestes últimos anos tanto na renovación integral do céspede do estadio municipal (430.000 euros) como no seu mantemento, como agora tamén con esta inversión que estamos a realizar no campo de adestramento da Devesa, que supón uns 50.000 euros. E estes fortes investimentos teñen o importante compromiso da Deputación de Lugo, que nos axuda a poder afrontar estes desafíos. E desde logo tendemos a man, coma sempre,con apoio económico, técnico e de infraestrutura e por riba de todo co tratamento por igual a todos os clubs deportivos, sexan estes ou non, de pelotas, de balóns ou do que sexa”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
