O delegado territorial, Javier Arias, explica que se impulsaron 24 actuacións na provincia coas axudas para mellorar infraestruturas e dotacións municipais de uso público, seis delas na Mariña
Ribadeo, 16 de decembro de 2022. A Xunta de Galicia destinou 43.750 euros ás obras de pavimentación e acondicionamento do camiño supramunicipal que conecta as parroquias de Valboa, en Trabada, e Cedofeita, en Ribadeo, prolongando a obra de paso existente sobre o rego Ferreira e instalando barreiras de seguridade en ambas marxes.
O delegado territorial da Xunta en Lugo, Javier Arias, comprobou hoxe o resultado da intervención e explicou que a Vicepresidencia segunda e Consellería de Presidencia, Xustiza e Deportes asumiu o 70% do orzamento da obra a través da convocatoria de achegas para a mellora de infraestruturas e dotacións municipais de uso público.
Os traballos consistiron en adaptar ao tránsito de vehículos esta vía que daba acceso a parcelas agrarias e forestais, incluída a zona na que se sitúan os depósitos de incendios. Deste xeito -apuntou Arias-, “mellóranse as condicións de vida dos veciños e veciñas e as de traballo para as explotacións agropecuarias da zona, ademais de facilitar a asistencia de vehículos sanitarios e de emerxencias”.
Neste sentido, lembrou que este programa de axudas beneficia a concellos de menos de 30.000 habitantes e o seu principal obxectivo é mellorar equipamentos, instalacións e en xeral espazos vinculados á prestación de servizos municipais, buscando un equilibrio entre o medio rural e urbano.
Neste ano, o orzamento global das achegas na provincia de Lugo ascenderon a 832.000 euros para 24 actuacións. Deste total, 313.500 euros investíronse en seis iniciativas na Mariña, nos municipios de Cervo, Mondoñedo, Ourol, O Vicedo e Xove, ademais desta conxunta de Trabada e Ribadeo.
Desde a creación da orde de axudas, en 2009, o Goberno galego mobilizou máis de 44 millóns de euros para financiar 1.480 proxectos en concellos de toda Galicia, dos que 125 se executaron o pasado ano e 108 serán executados este ano.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
