O espectáculo teatral, baseado na última investigación de Nacho Carretero, estará na Casa da Cultura de Burela o 7 de xaneiro. Sobre o escenario sairá a xogar un elenco de primeira, capitaneado por Touriñán e dirixido por Tito Asorey
A Coruña, 2 de xaneiro de 2023. Ademais dos Reis Magos esta semana chegará a Burela Recortes, caneos e outras formas de driblar. Están a piques de se esgotar xa as entradas para este espectáculo espectáculo, protagonizado por Xosé A. Touriñán e dirixido por Tito Asorey, que mestura teatro, fútbol, humor e incluso música. O sábado 7 de xaneiro pasearán sobre o escenario da Casa da Cultura as historias máis descoñecidas e escuras do ‘deporte rei’, as que descubriu na súa última investigación Nacho Carretero.
Recortes vén de percorrer boa parte de Galicia dende a súa estrea en Santiago o pasado setembro, atraendo novos públicos ao teatro con esta orixinal mestura de fútbol e artes escénicas. Tras a función en Burela, as localidades polas que continuará a xira do espectáculo son Lugo, Vilagarcía, A Coruña e Ferrol. As entradas están á venda na web recortes.gal, onde tamén se pode atopar toda a información sobre o espectáculo.
O elenco de Recortes compóñeno Xosé A. Touriñán, Manuel Cortés, Christian Escuredo, Xoán Fórneas, Isabel Garrido e Sergio Zearreta. Un equipo de primeira que aínda sendo seis xogarán un partido histórico en Burela. Farán de xogadores, adestradores, directivos, seareiros, xornalistas e moitos outros personaxes para ilustrar o microcosmos do fútbol profesional coas súas luces e sombras. Mais non só iso, Recortes non vai exclusivamente de fútbol, senón que o deporte é unha excusa para falar da vida e de como somos como sociedade.
O novo libro de Nacho Carretero, no que recolle esta pesquisa sobre o mundo do fútbol profesional e as súas sombras, aínda non está nas librarías, pero xa se pode desfrutar da versión teatral coa adaptación dramática de José L. Prieto. Estes dous autores xunto con Touriñán e Asorey conforman o equipo responsable do éxito de Fariña, o espectáculo teatral, baseado no libro máis coñecido de Carretero que tamén deu lugar á serie de televisión.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
