O concello de Ribadeo repara a rúa Muralla dentro do plan de mellora do casco antigo

NOTA DE PRENSA:
O CONCELLO CONTINÚA DESENVOLVENDO O PLAN DE MELLORA DO CASCO ANTIGO DE RIBADEO COA REPARACIÓN DA RÚA MURALLA.

Ribadeo, 24 de agosto de 2010. O Concello continúa desenvolvendo o plan de mellora do casco antigo de Ribadeo coa reparación da rúa da Muralla, segundo anunciaba hoxe Fernando Suárez.

O rexedor sinalou que “estamos levando a cabo dende o Concello de Ribadeo dúas actuacións que tratan de poñer en valor, mellorar e adecentar unha parte do casco vello que está nunha situación bastante lamentable, como é a do entorno da rúa da Muralla, precisamente por estar ésta desfeita dende hai moito tempo. Nos últimos meses fíxose un bacheado, pero necesitaba unha nova capa de aglomerado asfáltico, como é a que os operarios da empresa adxudicataria están levando adiante nestes días e esperamos que entre hoxe e mañá quedará rematada esta obra”.

Suárez Barcia subliñou que “a rúa da Muralla é importante porque da moita comunicación no interior do casco vello e ademáis serve de acceso principal a esta idea que lanzamos dende o Concello de Ribadeo hai pouco tempo, antes do verán, dos hortos ecolóxicos para poñer a disposición sobre todo da xente maior. Pero non é únicamente para os maiores, senón tamén para garantir unha idea de relevo xeracional, para que a xente maior lle ensine aos máis novos o que é a cuestión do agro nunha pequeniña parcela onde cultivar para autoconsumo hortalizas, verduras, etc”.

Hortos ecolóxicos

O alcalde ribadense engadiu que “dentro de poucos días estará rematada a actuación na rúa da Muralla e tamén o acondicionamento destes hortos a través dun solar que foi cedido en precario polo seu propietario ao Concello, de tal maneira que cando o propietario así o desexe retornará á súa lexítima propiedade, pero mentras tanto vai ser un verxel de froitas, de verduras, de hortalizas, de legumes. E quero convidar a todos aqueles interesados que aínda non se teñan inscrito e que desexen unha parceliña cun sistema de rego e unha serie de apeiros de labranza así como un paquete de sementes para que poidan iniciar estas labouras de cultivo de horta. A brigada de obras está nestes días ultimando a valla perimetral de peche de todos estes hortos ecolóxicos”.

Fernando Suárez considera que “unha vez máis en Ribadeo seguimos sendo un referente, porque poucos concellos aparte das cidades, que sí teñen dende hai tempo este tipo de iniciativas pero non as hai en concellos medianos como o noso. Está tendo moi boa acollida, porque xa temos prácticamente a metade das parcelas reservadas e quero que agora, con esta nova rúa da Muralla rematada, o resto de parcelas se enchan. Todos aqueles interesados deben anotarse na oficina de servizos sociais ou ben chamando ao teléfono 982.120.808”.