NOTA DE PRENSA
O alumiado do paseo marítimo do Cantiño, segue apagado e perigoso, segundo o GMPP.
Luis Miguel Pedre e Cristóbal Edrosa piden que se arranxe de inmediato ou se retire a instalación.
Os edís populares acusan ó alcalde de “politicamente torpe por non xestionar con Costas a solución ó problema”.
O Grupo Municipal Popular (GMPP) de Burela, a través dos seus concelleiros Luis Miguel Pedre Díaz e Cristóbal Edrosa Fernández, pediulle hoxe ó alcalde que “de inmediato se arranxen os problemas existentes no alumiado público do Cantiño, un alumiado que permanece apagado e coa súa instalación á vista, o que o convire en perigoso”.
Os edís populares consideran que “o alcalde tén demostrado neste asunto unha absoluta torpeza política, porque esta obra fíxoa a Dirección Xeral de Costas e estamos seguros que, de plantexarlles o problema con seriedade e rigor, Costas procedería a buscar unha solución óptima”.
Pedre e Edrosa lembraron que “este paseo foi feito por Costas cun goberno municipal do PP. O investimento de Costas en Burela foi sempre importante, pero nestres tres últimos anos tal investimento reduciuse considerablemente. Tanto é así que Costas non tén feito ningún investimento en obra nova.”
Por eso, os edís do PP acusan ó alcalde de “facer anuncios de investimentos de Costas, e tamén de non verse ningún; só cabe destacar a celeridade na actuación para taponar o socabón da praia de A Marosa por mor das inundacións, pero nada máis. Tanto é así, que a última obra nova feita por Costas no termo municipal de Burela foi o acondicionamento de rutas peonís e de sendeirismo entre a praia de A Marosa e a de Rueta, licitada e adxudicada por Costas cando o PP estaba no goberno municipal de Burela.”
Pero agora, segundo Pedre e Edrosa, “non se trata de facer obra nova coa situación de crise que estamos a vivir. O que se trata é de arranxar o alumiado do paseo marítimo do Cantiño ou retirar a instalación do mesmo, porque o exemplo que se está a dar é desastroso”. E lembran que “sobre esta cuestión o GMPP fixo preguntas en diversas sesións plenarias atopando sempre a mesma resposta por parte do alcalde: xa falamos con Costas e en breve estará arranxado, ou sexa, a típica e tópica leria do alcalde, que xa é coñecido entre a cidadanía de Burela pola súa inoperancia.”
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
