Burela, 13 de marzo de 2023. No Concello burelés tivo lugar esta mañá unha recepción a Francisco Pereira, o deputado nacional de Cabo Verde para a diáspora, que estes días visita a localidade. Xunto a el estivo o alcalde, Alfredo Llano.
O rexedor contou que “esta mañá tiven a ocasión e o pracer de recibir a don Francisco Pereira, que é deputado caboverdiano que está facendo os seus labores representativos en Suiza, concretamente en Lausanne, e que se achegou a Burela para participar nun acto que organizou o instituto O Perdouro, no que vamos participar mañá, e tamén veu para reunirse coa comunidade caboverdiana”.
Llano fixo un balance positivo do encontro desta mañá: “o recibimento foi grato, como debe ser, e estivemos falando de Cabo Verde e de Burela, dos lazos que nos unen e de como pretendemos mellorar en todos os aspectos. Foi un pracer estar aquí con el e comentounos as preocupacións en torno aos emigrantes que viven en Burela e tamén nos informou de cómo está Cabo Verde e as súas inquedanzas cara ao futuro. Nosoutros mantivemos o noso compromiso de manter unhas relacións estables e moi positivas para os dous países”.
O alcalde de Burela dixo que “houbo tamén unha petición por parte do instituto, que xa levamos tempo con ela e queremos normalizala o antes posible: despois da cuarta ou quinta xeración na que están os caboverdianos que viven en Burela que o ensino se teña en conta desde Cabo Verde. Hai unha proposta para que polo menos teñamos aquí un profesor que fale o seu idioma e que poida axudar a normalizar ao alumnado caboverdiano.
Tamén se demanda a atención de todo tipo de cuestións administrativas que os caboverdianos de Burela teñen moita dificultade para realizar, como son os pasaportes, polo que se lle solicitou que bote unha man neste tipo de asuntos”.
E engadiu: “Francisco Pereira comprometeuse a realizar estas tarefas e a que no futuro estes lazos se manteñan. El quere ser protagonista nesa relación e por tanto quedamos en chamarnos e volver convocar outra reunión o antes posible”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
