O proxecto, que está en fase de licitación, contempla a limpeza das cunetas, o sistema de drenaxe, a pavimentación con aglomerado en quente e a sinalización con marcas reflexivas brancas desta vía, moi empregada pola veciñanza tanto deste concello como dos municipios da contorna
Lugo, 22 de marzo de 2023. O Presidente da Deputación de Lugo, José Tomé Roca, anunciou en Lourenzá que a institución provincial vai arranxar a estrada provincial LU-P-2801 na parroquia de San Adriano cun investimento de 185.000€. O mandatario provincial explicoulle á Alcaldesa de Lourenzá, Rocío López García, a concelleiros e concelleiras e á veciñanza coa que se reuniu nesta parroquia, que o proxecto está en fase de licitación, é dicir, as empresas están presentando as súas propostas para executar os traballos.
Esta estrada provincial é a que comunica San Adriano, en Lourenzá, con Augaxosa, en Riotorto. Tomé Roca detallou que con este proxecto se dá resposta a unha petición feita pola Alcaldesa, trasladándolle á Deputación a necesidade de acometer estes traballos nesta vía provincial que dá servizo a centos de veciños e veciñas, tanto das parroquias de Lourenzá como de Riotorto.
Os traballos van consistir na limpeza dos laterais da estrada e vanse facer as actuacións necesarias para ter un bo sistema de drenaxe co fin de garantir unha boa evacuación de augas cando chova. Unha vez rematadas estas tarefas, procederase a aglomerar en quente co obxectivo de dotar dun novo pavimento a estrada. Logo, poranse as arquetas e sumidoiros e remataranse os traballos coa sinalización horizontal, pintando con marcas reflexivas brancas. O prazo de execución das obras é de 2 meses, unha vez iniciadas.
Máis de 2M€ en Lourenzá
A Deputación de Lugo investiu en Lourenzá máis de 2M€ nos últimos catro anos, unha colaboración económica co Concello que permitiu moi diversas actuacións en beneficio da veciñanza, como a mellora das infraestruturas, de estradas e tamén na creación de emprego, o mantemento do Servizo de Axuda no Fogar (SAF) e actividades deportivas. Ademais, a institución provincial colabora co Concello para a organización do programa de actos das Letras Galegas, que este ano homenaxea ao laurentino Francisco Fernández del Riego.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
