Castiñeira asegura que ten “testemuñas que din que os técnicos de Portos de Galicia xa presentaran o proxecto ao señor alcalde moito antes de que o PP, xunto con representantes da asociación A Ribeira e do Club Náutico visitaran as instalacións de Portos de Galicia na Coruña”
Foz, 31 de marzo de 2023. A medida que foron pasando os meses deste mandato municipal, foi quedando máis clara a difícil relación que ten o socialista Fran Cajoto coa verdade, así como a súa inmoderada propensión a dar prioridade aos desexos da cúpula provincial do PSOE fronte aos intereses dos veciños de Foz. O portavoz popular, Javier Castiñeira, asegura que “o señor Cajoto mentiu, mentiu unha vez máis, cando dixo que tivera que coñecer a nova disposición da dársena de Porto Chico pola prensa; iso é totalmente falso é o PP ten testemuñas que din que os técnicos de Portos de Galicia xa presentaran o proxecto ao señor alcalde moito antes de que o PP, xunto con representantes da asociación A Ribeira e do Club Náutico visitaran as instalacións de Portos de Galicia na Coruña”.
Os populares consideran que o comportamento de Cajoto “é grave e indecente”. Castiñeira engade: “É grave facer falsas acusacións a unha Administración como é a Xunta de Galicia, que leva catro anos sufrindo esta actitude totalmente desleal do señor Cajoto”.
Os populares sospeitan a que se debe a actitude de Cajoto. Non sei cal é o motivo -di Castiñeira- de intentar desprestixiar todo o que fai a Xunta de Galicia en Foz, pero “é probable que sexa pura estratexia política, pero tamén é probable que sexa froito do infantilismo político do señor Cajoto, que fai máis caso do que lle din as altas esferas do PSOE na provincia de Lugo que do que é bo para os veciños de Foz”.
Os populares queren que Cajoto “pida perdón á Xunta de Galicia e aclare esta situación”. O PP presentou unha pregunta no pleno celebrado onte polo Concello, “para verificar se iso fora verdade e a contestación do alcalde lévanos a pensar que Cajoto si coñecía esa situación e que as súas protestas foron froito, por un lado, dos celos de ver que o PP segue traballando da man das asociacións de Foz e, por outra parte, da falta de respecto absoluto a unha Administración tan importante e investidora como é a Xunta de Galicia”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
