A Xunta de Goberno aprobou investimentos en Cervantes, A Pontenova, A Fonsagrada e Lugo para o acondicionamento de vías e accesos, a compra de vehículos municipais e a organización de festexos
Lugo, 12 de maio de 2023. A Xunta de Goberno da Deputación de Lugo aprobou este venres investimentos por un importe que supera o medio millón de euros para a dotación e mellora de servizos públicos e infraestruturas dos veciños e veciñas da provincia.
A Voceira socialista do Goberno informou de que a institución provincial aportará 115.000€ ao Concello de Cervantes para a compra dunha máquina para esparexer sal e tamén para a mellora de camiños nos lugares de Casas do Río, Couso, Degrada, Donís, Vilarello de Donís e Trobo; así como para a colocación de sumidoiros, baixantes e varandas de seguridade nos núcleos de San Román, Vilar de Donís, Vilartote, Dumia e Comeal.
García Porto detallou que a contía que achega a institución provincial representa o 95% do total do orzamento necesario para estas actuacións, mentres que o Concello asume os 6.300€ restantes.
Así mesmo, a Deputación colabora con 160.000€ co Concello da Pontenova para a compra dun camión recolector compactador de residuos, unha achega que representa o 80% do orzamento preciso, e que completa o Concello con 40.000€.
A Xunta de Goberno acordou destinar 114.800€ ao Concello da Fonsagrada para acometer obras de acondicionamento da vía que vai de Ferreiros a San Pedro do Río e do camiño de acceso a Escouride; para a mellora do acceso a Buisán; e para a rexeneración do firme asfáltico no núcleo de San Pedro do Río.
Por outro lado, a Deputación renova a colaboración co Concello de Lugo para a organización das festas patronais do San Froilán cunha achega de 142.500€ neste ano.
Noutra orde de asuntos, a Xunta de Goberno aprobou este venres un convenio de colaboración entre a Deputación e a Asociación Nacional de Criadores de Gando Vacún Selecto de Raza Rubia Galega (ACRUGA) por un importe de 172.000€ ao ano durante as anualidades deste 2023, e de 2024, 2025 e 2026, co “obxectivo de seguir apoiando esta actividade gandeira tan importante para o desenvolvemento económico e tamén social da nosa provincia”, explicou García Porto.
Tamén aprobou colaborar co Club de Piragüismo Altruán de Ribadeo con 24.000€ para a adquisición dun vehículo multipraza que permitirá o transporte dos usuarios e usuarias deste equipo deportivo, e un acordo coa Mancomunidade do Monte Veciñal en Man Común da Parroquia de Balsa, en Muras por 21.532€ para a reforma dun almacén de titularidade deste colectivo.
A Xunta de Goberno aprobou ademais a adxudicación do contrato para o subministro dun camión usado con caixa aberta e gravilladora para o Parque Móbil da Deputación. O orzamento ascende a 73.800€ e a empresa adxudicataria é Pedro Bardanca García, que ten un prazo de entrega de 60 días naturais. Ademais, a recollida do vehículo usado polo que se substituirá o adquirido agora acadou un prezo de 5.500€.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
