Loureiro demostrou “moitas ganas e ilusión” para seguir sendo Alcaldesa de Viveiro, “unha das cousas máis bonitas que me pasaron na vida”, durante o encontro socialista celebrado este sábado no Teatro Pastor Díaz coa participación do Delegado do Goberno en Galicia e a Subdelegada do Goberno
Viveiro, 20 de maio de 2023. A Alcaldesa de Viveiro e candidata á reelección polo PSdeG o vindeiro 28 de maio, María Loureiro García, presentou este sábado á noitiña a súa candidatura nun encontro con veciños e veciñas no Teatro Pastor Díaz. Un acto que contou coa presenza do Delegado do Goberno en Galicia, José Ramón Gómez Besteiro, e da Subdelegada do Goberno en Lugo, Isabel Rodríguez, ademais de alcaldes, alcaldesas e portavoces da comarca.
María Loureiro amosouse con “moitas ganas e ilusión” por seguir sendo a Alcaldesa de Viveiro. “Síntome con máis forza ca nunca, unha forza que comparte o equipo co que volvo dar un paso adiante porque temos moitos proxectos e iniciativas para continuar mellorando Viveiro”, afirmou. “Unha das cousas máis bonitas que me pasaron na vida foi ser a Alcaldesa do meu pobo. Eu nacín aquí, crieime aquí, os meus fillos medran aquí en Viveiro, a miña familia tamén é de aquí e para min é unha satisfacción ser a Alcaldesa para axudar ós veciños a atopar solución ós problemas e impulsar o futuro do concello”.
“Seguiremos abrindo o Concello a todos os veciños e veciñas de Viveiro como fixemos ata o de agora porque, cando teñen un problema, acoden directamente a nós, e nós estamos aí porque cremos que a nosa responsabilidade é mellorar a vida dos veciños e veciñas”, asegurou ante un Teatro Pastor Díaz cheo de xente.
Plan Industrial da Mariña
A Alcaldesa foi firme á hora de reivindicar, unha vez máis, un Plan Industrial para A Mariña, que sería clave para o desenvolvemento industrial e económico da cidade do Landro. Loureiro manifestou que é “unha materia pendente, aquí en Viveiro carecemos de Plan Industrial porque a competencia é da Xunta de Galicia, nós xa reivindicamos en numerosas ocasións que é imprescindible para que a o noso concello e a nosa comarca avance”. “Vivimos nun concello moi rico, cunha poboación nova e activa e, se temos postos de traballo, se hai industria, os veciños e veciñas non se van a outros lugares buscar traballo. Temos que apostar por ese Plan Industrial”, aseverou.
Así mesmo, no ámbito da promoción económica, a Alcaldesa aposta “por seguir impulsando o parque empresarial, dándolle facilidades ás empresas que se instalan, como é o caso das bonificación das licenzas”. “O noso obxectivo é continuar traballando para que haxa máis empresas. A día de hoxe temos 16 instaladas no noso parque”, asegurou Loureiro. “Temos un sector forestal e un sector pesqueiro punteiro, pero temos que ir un paso máis alá e esforzarnos porque a nosa industria medre”, dixo.
Renovación de rúas e espazos públicos
A rexedora debullou os proxectos máis importantes que contempla o programa electoral da candidatura socialista de Viveiro para os vindeiros catro anos. Explicou que executará o proxecto de renovación do barrio da Xunqueira, fará un arranxo integral das beirarrúas de Xunqueira a Magazos, e tamén acometerá un proxecto de remodelación dos Xardíns Noriega Varela para a creación de zonas de sombra e plantación de zonas verdes.
Tamén solicitará a cesión integral do peirao para que pase a ser de titularidade municipal, ao igual que a adquisición do espazo do Casino para humanizar esta zona como zona deportiva e de lecer para o conxunto da sociedade viveirense.
Así mesmo, acondicionará diferentes rúas, como é o caso da que dá acceso a Os Espiñeiros, a continuación da Rúa Grande en Celeiro ata a estrada xeral, a renovación integral da rúa do Porto, en Celeiro, a estrada de Pénjamo ao Cemiterio de Viveiro e rúa Teodoro de Quirós, entre outras actuacións.
A Alcaldesa avanzou tamén a mellora do paseo marítimo da Praia de Covas e a realización dun plan de mellora do alumeado público para obter un aforro enerxético, ademais da ampliación do cemiterio de Altamira, entre moitas outras actuacións.
“Seguiremos a demandar cada día unha estrada de circunvalación e unha vía de altas prestacións para o noso concello, así como a conexión de Viveiro coa autovía de Vilalba a Ferrol, na estrada LU-550, coa súa mellora integral”, indicou.
Anos de intenso traballo por Viveiro
A Alcaldesa afirmou que este último mandato non foi doado polas diferentes situacións sobrevidas que atravesou o municipio, tendo que deixar a un lado “proxectos ilusionantes” para focalizar todos os esforzos en dar resposta a unha crise sanitaria sen precedentes. “Xuntos conseguimos saír adiante, fomos un dos primeiros concellos de Galicia en poñer en marcha medidas para non deixar a ninguén atrás, pensando nas persoas que viven soas, nas máis vulnerables, nas familias, nas pemes e nos autónomos”.
Neste mandato, “desde o Concello demos pasos fundamentais para ter un novo PXOM, unha ferramenta fundamental para o futuro de Viveiro. Fixemos todo o que estaba na nosa man para axilizar o proceso e a aprobación definitiva está moi preto”, subliñou.
Lembrou que nestes últimos anos, o Goberno que dirixe desenvolveu “un plan continuo de renovación dos servizos e infraestruturas básicas do municipio, con obras e actuacións no casco urbano e en todas as parroquias”. “Somos a gran referencia da Mariña grazas á nosa aposta por un turismo máis sostible e desestacionalizado, e seguiremos traballando na mesma liña”. Así se comprometeu Loureiro a darlle continuidade ao pulo turístico no que está inmerso a cidade do Landro grazas á súa xestión.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
