A Mariña, 25 de maio de 2023. Olalla Rodil e Daniel Castro aproveitaron a súa visita ao concello de Muras para contrastar o modelo BNG, en defensa dos servizos públicos desde os gobernos locais que lidera, fronte a un PP empeñado en desmantelar o público a favor do privado, en especial na sanidade.
Acompañados tamén pola nº 2 da candidatura nacionalista en Muras, Paula Gómez, coñeceron da man do alcalde Manuel Requeixo os investimentos realizados polo goberno local do BNG para mellorar os servizos que se lle prestan á veciñanza, tanto en materia de sanidade como en educación. En concreto, 260.000 euros na rehabilitación e posta a punto do centro de saúde, -cuxo edificio é de titularidade municipal-, e visitaron tamén o centro educativo Antía Cal, que acolle un punto de atención á infancia, e no que se van acometer obras de reparación por parte do goberno municipal.
Manuel Requeixo, alcalde de Muras: “Ante á negativa do Goberno da Xunta vémonos na obriga de asumir competencias que non son propias”
“Ante a negativa da Xunta, dende un concello rural, despoboado e pequeno vémonos na obriga de asumir competencias que non son propias”, denunciou Requeijo. “A reforma no centro de saúde permite que os veciños e as veciñas dispoñan de persoal médico, persoal de enfermería e persoal administrativo para atender a unha poboación de 700 persoas que, doutro xeito, terían que desprazarse un mínimo de 30 quilómetros para ser atendidas en Vilalba, con todo o que iso implica para unha poboación envellecida”, alegou Olalla Rodil
Visita ao centro escolar Antía Cal, no que tamén haberá melloras e que acolle un punto de atención á infancia
No caso do centro educativo, cursan estudos quince escolares de entre cero e once anos, de tal xeito que as familias poden escolarizar aos seus fillos e fillas no propio concello. Manuel Requeixo explicou que a reforma era indispensable polo deterioro da infraestrutura, ao supor un “perigo para os nenos e nenas que asisten alí a clases”.
“Sen os investimentos do goberno municipal do BNG estes nenos e nenas terían que desprazarse ata Xermade, a 20 quilómetros da súa residencia, dificultando por exemplo a conciliación dos pais e nais, un exemplo máis do abandono ao que o Partido Popular somete a moitos concellos rurais por todo o país”, engadiu o deputado mariñao Daniel Castro.
Compromiso do BNG coa sanidade pública
Nesta visita a Muras, o deputado Daniel Castro fixo referencia á situación da sanidade pública en todas as comarcas e concellos do país pero especialmente na comarca da Mariña. “Levamos trece anos de recortes, privatizacións, con precariedade no persoal médico e colocando á sanidade pública na situación límite que ten neste momento”, denunciou Castro, en relación a un Partido Popular que en vez de poñer en marcha un cambio “vai de ocorrencia en ocorrencia e poñendo parches sen entrar no fondo do problema”.
Daniel Castro, que tén levado numerosas iniciativas ao Parlamento en defensa da sanidade pública referíuse tamén á importancia de ter presente este 28 de maio quen son os responsables da desfeita que se está a producir na sanidade, en alusión ao Partido Popular, “que foron os que votaron sempre en contra das nosas propostas en defensa da sanidade pública da Mariña”, afirmou
Castro reafirmou tamén o compromiso do BNG coa sanidade pública na comarca donde día a día esta organización está cóbado con cóbado coa veciñanza na súa demanda de melloras na atención primaria e hospitalaria. “E non podemos esquecer a todas e todos os profesionais que desenvolven o seu traballo nunhas condicións difíciles”.
Referíuse tamén aos traballadores e traballadoras da sanidade e dos servizos sociosanitarios que forman parte das candidaturas do BNG na Mariña, aos que lles agradeceu a súa implicación neste proceso e o seu compromiso diario coa sanidade pública.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
