Mondoñedo, 16 de xuño, 2023. Este xoves, no Concello de Mondoñedo, tivo lugar a presentación do campionato Autonómico Escolar de Taekwondo e Exhibición, que se celebrará o día 18 de Xuño a partir das 9:30, comezarase coas demostracións para continuar coa parte de combate ata as 13:30h., farase un parón e reanudarase a partir das 15:00h., ata finalizar.
Na presentación estiveron presentes, Manuel Ángel Otero Legide, Alcalde de
Mondoñedo, Manuel Otero Méndez (Cadramón), Xefe Provincial do Servizo de Deportes da Xunta de Galicia, Manuel Tapia Rivera, edil de deportes, Luis García García, en representación da Asociación Foxg1, coa que o campionato colabora pedindo algo
simbólico para a súa axuda aos asistentes ao evento deportivo; e pechando a lista en representación do club Jansu como organizador do evento e representante da Federación Galega de Taekwondo, Juan Carlos Quintana Domínguez.
Este campionato de carácter autonómico, reunirá uns catrocentos deportistas na
modalidade de combate e uns 34 equipos de demostración, cada equipo consta de 9 deportistas, a suma de ambos, demostración máis combate reunira máis de 600 competidores en idades escolares.
O concello de Mondoñedo dalle a benvida a estes pequenos deportistas e aos seus
acompañantes , deportistas que son a base do futuro dentro do taekwondo, e agradece a colaboración da Deputación de Lugo, Xunta de Galicia , Deporte Galego e Federación Galega de Taekwondo, e demais colaboradores e patrocinadores.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
