“Fronte ao boicot de Feijóo, hoxe continúa a actividade de Alcoa e os postos de traballo grazas ao Goberno de Pedro Sánchez”, afirmou
Cervo, 12 de xullo de 2023. “Na Mariña, Pedro Sánchez garantiu o futuro para Alcoa e Feijóo pechou Vestas. E así de simple”. O número 1 ao Congreso, José Ramón Gómez Besteiro, que mantivo esta mañá unha reunión co Comité de Empresa de Alcoa, evidenciou a tripla traizón de Feijóo e Conde á Mariña con Alcoa, Vestas e Altri. “A Mariña é a comarca galega máis traizoada pola Xunta”.
Besteiro insistiu en que “fronte ao boicot de Feijóo, hoxe continúa a actividade de Alcoa e os postos de traballo grazas ao Goberno de Pedro Sánchez”. Na reunión estivo acompañado polo secretario dos socialistas galegos Valentín González Formoso, o secretario de Emprego do PSdeG e delegado do Goberno en Galicia, Pedro Blanco; a subdelegada na provincia, Isabel Rodríguez; e outros líderes da candidatura socialista ao Senado e ao Congreso como César Mogo e Patricia Otero. “Os socialistas traballamos sen buscar a foto e de forma eficaz para asegurar o emprego de máis de 500 traballadores e a economía da comarca”. Pola contra, “a Xunta, que ten as competencias en materia de industria, aliñouse cos intereses da empresa durante a primeira fase do conflito e xogou ao escapismo, poñendo en risco o acordo e o futuro de centos de familias ”, censurou o número 1 ao Congreso.
O PP de Feijóo sáelle moi caro á Mariña
O candidato socialista evidenciou o modelo do PP, que privatizou Alcoa en 1998, e provocou os problemas posteriores.
No caso de Vestas, en Viveiro, e aínda que o Parlamento apoiou á Xunta, esta volveu traizoar á Mariña: “Hoxe por culpa de Feijóo os traballadores están na rúa. Con Pedro Sánchez hai futuro para A Mariña, con Feijóo hai pobreza”, afirmou.
Neste senso, apuntou unha terceira deslealdade do PP coa elección de Palas de Rei para a instalación da primeira fábrica de fibras téxtiles de España. O Partido Socialista conseguiu a aprobación no Parlamento por unanimidade da súa proposta para dar prioridade á Mariña. “A Xunta volveu incumprir e deixou tirados, unha vez máis, aos mariñáns. O PP de Feijóo sáelle moi caro á Mariña”.
Durante o encontro, os socialistas agradeceron ao persoal a súa responsabilidade tanto agora como ao longo de todo a negociación para chegar a unha solución definitiva e asegurar os postos de traballo e as capacidades industriais. O acordo asinado en febreiro recolle a recuperación da actividade a finais de 2025, amplía o período de protección laboral dos traballadores da planta de aluminio, garante un tempo no que a electrólise deberá estar operativa e prevé un investimento adicional de 88 millóns na planta.
“Pedro Sánchez tomou as medidas oportunas durante todo o proceso para asegurar o futuro da planta e o emprego tanto dos traballadores como das empresas auxiliares”. Neste senso, engadiu, Alcoa é a empresa que máis fondos recibe en Galicia das axudas do Goberno por emisións de CO2, con 30 millóns de euros; e contará con 5 parques eólicos autorizados polo Ministerio, e pesar do atraso co que a Xunta facilitou a información tras dous prórrogas, cunha potencia de 589 MW.
Rueda nin contesta
Fronte a este apoio, “Rueda nin contestou ás tres peticións do comité de empresa de Alcoa e leva máis dun ano como presidente da Xunta”. Un exemplo máis, dixo, da falta de xestión e irresponsabilidade do PP cos mariñáns.
Os socialistas pediron á Xunta que tome exemplo e pase das palabras aos feitos e apoie con investimentos aos traballadores de Alcoa. Destacou que o Goberno aprobou a semana pasada outros 86 millóns de euros en axudas para compensar cargos da factura enerxética a empresas electrointensivas, ás que poderá concorrer Alcoa.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
