O xogador brasileiro de 22 anos será o segundo porteiro do equipo laranxa, un xove con moita proxeción de futuro
Burela, 19 de agosto, 2023. Mikael Deon, Mika, o porteiro natural de Piratuba, Santa Catarina (Brasil), chegou a un acordo co club mariñán para completar a portería durante a tempada 23/24. O xogador de 22 anos provinte do Araz Nakhcivan, equipo da Liga Premier de Acerbaixán, deu os seus primeiros pasos no AEP Futsal no que estivo durante as tempadas 17/18 e 18/19. Na 19/20 ficha polo Joaçaba Futsal (Ajec), e en a 21/22 por o Concórdia Futsal, equipo de Primeira División brasileira. Na 22/23 xoga no Araz Nakhcivan ata esta 23/24 que pasará a formar parte da plantilla formada por David Rial. Será unha boa oportunidade para o novo porteiro para poder aprender dun dos mellores porteiros da Segunda División, Michal Kaluza.
O presidente do club mariñán, Manuel Blanco, sabe que é un xogador con proxección e que vai aportar e aprender moito a este club, “Un porteiro moi novo, con gran proxección de futuro, na liña de todas as nosas fichaxes desta tempada, que van axudar ao equipo para ser cada vez máis competitivo. Con bo xogo cos pés, do mesmo xeito que o noso Michal que vai ser un moi bo mestre para o novo porteiro, seguro que medra moito durante este ano”.
Mika séntese afortunado de poder vir a Burela, “Cando o meu xerente se puxo en contacto comigo, falando do club, aceptei nese momento, pola historia que ten Pescados Rubén Burela FS no fútbol sala español”. Sobre as súas aportacións e aprendizaxe no equipo, “Estou seguro de que darei o mellor de min para o equipo, para medrar xuntos esta tempada, como persoa e como club” Os seus obxectivos, “O meu principal obxectivo no club é poder volver á primeira división que é onde este club merece estar”. Unha mensaxe á Familia Laranxa “Os afeccionados poden estar seguros de que non faltará a vontade, a garra e moita alegría, conto con todos os afeccionados para apoiarnos ata o final”
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
