Ana Ermida reclama apoio para a instalación dunha carpa como as que a Xunta de Galicia sufraga habitualmente para eventos na contorna
Barreiros, 27 de setembro de 2023. A alcaldesa de Barreiros, Ana Ermida vén de dirixir un escrito ao delegado da Xunta en Lugo, Javier Arias, para solicitarlle a colaboración da Administración que representa nun evento de interese que se celebrará en Barreiros na ponte do vindeiro 12 de outubro, mediante a instalación dunha carpa na Praza do Concello.
A alcaldesa explica que “desde o Concello de Barreiros temos previsto levar a cabo varias xornadas con eventos diversos dirixido ao público en xeral, que se desenvolverán na Praza do Concello, para o que se precisará da instalación dunha carpa que albergue a infraestrutura necesaria para tal fin”.
“Tendo coñecemento de que outros Concellos veciños contan cun mecanismo de colaboración da Xunta de Galicia para sufragar este tipo de infraestruturas, tanto para uso propio como de terceiras entidades, gustaríanos contar con esa mesma colaboración para este evento municipal”, continúa.
A rexedora barreirense manifesta no seu escrito que tamén “temos interese en coñecer o procedemento que debemos seguir ao efecto, tanto para necesidades municipais como de outras entidades que, neste momento obteñen axuda da Xunta de Galicia por mediación de Concellos veciños, entendendo a oportunidade de que poidamos atender dita tramitación desde o propio Concello e non saturar outras entidades locais con actos que non lle son propios e/ou de interese.”
Ana Ermida conclúe amosando a total disposición para realizar as xestións que se indiquen para que o Concello de Barreiros poida ser beneficiario das axudas para a instalación de carpas en eventos que a Xunta de Galicia presta.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
