O voceiro indica que “o PP non está disposto a seguir sufrindo como sufrimos nos últimos catro anos esa prepotencia do señor alcalde que non é nin democrática nin positiva para a corporación municipal de Foz”
Foz, 27 de setembro de 2023. O voceiro popular de Foz, Javier Castiñeira, asegura que “Cajoto fracasou no seu intento de restar protagonismo ao pleno extraordinario solicitado polo Grupo Municipal do PP para analizar o tema da auga intentando adiantar dous días un pleno ordinario que se debe convocar para os últimos xoves do mes”. Nese sentido, engade ademais que “non respectou os dereitos dos concelleiros dos grupos da oposición ao non entregar a documentación no tempo adecuado polas presas do señor Cajoto e, polo tanto, era nulo de pleno dereito. Non podiamos permitilo porque se trata dun pleno no que se teñen que abordar asuntos importantes”.
Castiñeira explica que algún dos acordos que se adoptarán están relacionados coa residencia e o concurso “polo que estamos a falar de millóns de euros” e, incluso, sobre “recoñecementos extraxudiciais de facturas”. Nese sentido, o popular subliña que “ben merecen un pleno único, debidamente convocado e para o que os concelleiros dispoñamos de documentación para facer a nosa labor”.
Os populares amosan a súa satisfacción porque finalmente se cambiara a data para a celebración do pleno ordinario con todas as garantías e agardan que “desta volta si nos entreguen a documentación”. O voceiro popular indica que “o PP non está disposto a seguir sufrindo como sufrimos nos últimos catro anos esa prepotencia do señor alcalde que non é nin democrática nin positiva para a corporación municipal de Foz”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
