O conselleiro de Educación, acompañado do delegado territorial da Xunta en Lugo, presenta o informe ‘Panorama de educación en Lugo no ámbito rural’
Lugo, 23 de outubro de 2023. A Xunta de Galicia inviste un 43% máis de media no ensino no rural de Lugo que no ámbito urbano debido á dispersión poboacional, o que blinda a igualdade e a equidade dos resultados académicos do alumnado. Así se desprende do informe Panorama da educación en Lugo no ámbito rural que hoxe presentou o conselleiro de Cultura, Educación, FP e Universidades, Román Rodríguez.
O titular do departamento educativo do Goberno autonómico, acompañado do delegado territorial lucense, Javier Arias, expuxo en rolda de prensa unha radiografía educativa de Lugo, que é a provincia do conxunto de Galicia cun maior peso do ensino rural. De feito, aglutina un total de 138 centros públicos de Educación Infantil, Primaria e ESO, dos cales 85 están situados en contornas rurais.
Tras o procesamento de máis de 200.000 datos de expedientes de alumnos por curso escolar analizado, tanto a nivel Galicia como na provincia de Lugo, e a análise das fontes oficiais tanto do Ministerio como da Consellería de Educación, o conselleiro asegurou que as conclusións extraídas avalan que Galicia “funciona como un distrito educativo único, e Lugo é un exemplo paradigmático disto grazas ao importante esforzo de investimentos en todo o que ten que ver co ensino, desde os programas educativos ata a dotación de infraestruturas e a garantía de servizos como o transporte”.
Máis de 11.000€ por alumno
Atendendo precisamente ao investimento global, a inversión media por alumno en contornas rurais en Galicia é de 8.933€/alumno, mentres que no caso da provincia de Lugo esta inversión ascende a 11.050€/alumno. Isto é debido, en parte, a que o rural lucense aglutina seis de cada dez centros educativos fronte a catro de cada dez do conxunto de Galicia.
Esta dinámica, segundo explicou Román Rodríguez, tamén cumpre na variable de gastos de funcionamento, cun investimento de 484,83€ nos centros do rural de Lugo fronte aos 431,19€ no conxunto do rural galego.
Rateos e transporte escolar
Ademais dun investimento superior por alumno, tamén destaca o rateo de alumnado por docente e o tamaño dos grupos, cuestións que inciden na atención no día a día na aula. Tamén aquí os datos son moito máis favorables no rural que no urbano co tamaño medio dos grupos por debaixo de 20 alumnos en toda a provincia en todas as etapas de escolaridade obrigatoria e moi inferiores no rural. Igualmente, a rateo alumno/profesor é máis favorable no rural con 7,53 alumnos por docente que no urbano se eleva a 9,72.
Unha das variables de maior impacto económico derivado da dispersión poboacional é o transporte escolar, que nas contornas rurais do conxunto de Galicia ascende a 1.294,3€, en tanto que nas contornas urbanas é de 833,5€. No caso de Lugo, esta diferenza do 55% elévase aínda máis, xa que o investimento no rural desta provincia acada os 1.911€.
Equidade nos resultados
Este importante esforzo inversor tradúcese, en palabras do conselleiro, “nunha garantía dos resultados académicos dos alumnos lucenses que demostra que o termo que mellor define a educación galega e a educación de Lugo é a equidade”.
De feito, constátase unha dinámica parella nas notas medias globais obtidas polos alumnos independentemente de que vivan no rural ou no urbano, e en todas as etapas educativas obrigatorias. Por exemplo, na etapa de Primaria, a nota media dos estudantes en centros do rural da provincia de Lugo foi de 7,79 no curso 2021/22 e no urbano de 7,72. O mesmo ocorre na etapa de ESO, cun 7,03 no rural e un 6,81 no urbano, polo que non se aprecian apenas diferenzas.
Nestes resultados, segundo explicou o conselleiro, están moi relacionados tamén co acceso aos distintos programas educativos (sobre todo relacionados coas competencias tecnolóxicas, o plurilingüismo, as bibliotecas escolares ou a convivencia) que a Consellería de Educación pon a disposición do cen por cen dos centros de Galicia de maneira universal. En concreto, subliñou que, en comparación co conxunto de Galicia “Lugo destaca especialmente pola súa implicación en programas de plurilingüismo, no Plan Proxecta e no E-dixgal, cunha incidencia superior no rural que no urbano”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
