A nova alcaldesa socialista autoriza “gastos desproporcionados” coma os preto de 20.000€ para mobiliario e estores da alcaldía a pesar da “moi mala situación económica do Concello”
Vilalba, 22 de novembro de 2023. O Grupo Municipal do PP de Vilalba condena que “unha das primeiras medidas que toma a señora Rouco ao chegar á alcaldía sexa a reforma do despacho” especialmente tendo en conta que “o Concello se atopa nunha situación económica moi mala”, ademais de que “o despacho lle serviu perfectamente os anteriores alcaldes para desenvolver o seu traballo”.
Os concelleiros populares advirten de “gastos desproporcionados” por parte do goberno local e poñen como exemplo que “a alcaldesa socialista asinou dous decretos aprobando un gasto de preto de 20.000€ para mobiliario (18.047,88€) e estores (1.789,90€) cos que reformar a alcaldía”.
A voceira, Sandra López, explica que “cústalle máis ao Concello a reforma do despacho da alcaldesa que o arranxo da pista de Samarugo que se aprobou recentemente nun pleno extraordinario”. É dicir, “con eses cartos poderíase arranxar outra pista dalgunha das parroquias do noso rural”. En relación ás infraestruturas das parroquias lembran que “urxe intervir na ponte da Ribeira para garantir a seguridade dos usuarios”.
Outra das accións que podería impulsar o goberno vilalbés con ese diñeiro, sinalan dende o PP que podería ser “a recuperación dos talleres de dinamización social polas parroquias, como eran as actividades do ‘Rural Máis Vivo’ cancelado polo goberno socialista”. Lembran, de feito, que “a actual alcaldesa se comprometera fai máis de dous anos nun pleno a recuperar esas actividades”; pero “non cumpriu coa súa palabra”, subliñan.
En definitiva, “á vista da situación económica do Concello, a máxima responsable do goberno municipal debería amosar máis responsabilidade á hora de aprobar gastos con cargo ás arcas municipais”. Pero, “unha vez máis demostra que este goberno non está a atender as principais demandas e necesidades dos vilalbeses e vilalbesas e moitos menos a priorizar gastos nin a realizar unha xestión eficiente do diñeiro público”.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
