Mondoñedo, 4 de decembro do 2023. O concelleiro do BNG, Eloi Cabanas, lamenta que os orzamentos de Mondoñedo aprobados o pasado xoves para o exercicio 2024 sigan a inercia negativa dos de anos anteriores, denota no goberno municipal unha falta de proxecto global a longo prazo para impulsar o desenvolvemento de Mondoñedo e considera que limitarse facer políticas de retención do gasto sen buscar novas fontes de financiamento para cubrir as necesidades básicas do concello resulta insuficiente.
Eloi Cabanas, critica que estes orzamentos sexan un rápido corta e pega dos de anos anteriores amosando con claridade un goberno sumido na “autocomplacencia”, escaso de ideas novas e proxectos de futuro para Mondoñedo.
-O GOBERNO POPULAR NON RESOLVE AS PRINCIPAIS QUEIXAS DA VECIÑANZA-
Segundo o BNG, estes orzamentos non van reverter as necesidades actuais de mellora e mantemento das infraestruturas e dos espazos públicos co actual cadro de persoal que se dispón neste momento no concello e pide que se atenda ás consideracións que se veñen reiterando ano tras ano nos informes de secretaría – intervención para que se actualice a RPT e se cubran as prazas vacantes detalladas no anexo de persoal.
O BNG, neste proxecto de orzamentos, bota en falta unha aposta clara e decidida pola inversión real financiada con recursos propios e nesta escasa marxe de manobra na que se sume o concello destacan que o anexo de inversións represente só un 0,78 % do total da proposta orzamentaria. “Agora se o concello quere consignar novo crédito en inversións terá que depender das transferencias de capital doutras administracións, das propias modificacións orzamentarias, respectando sempre o principio de equilibrio orzamentario, ou do remanente de tesourería”.
Os nacionalistas tamén botan en falta nestas contas as propostas que levan demandando durante anos no concello como a elaboración dun inventario de camiños públicos, o establecemento de liñas de axudas a asociacións en base a criterios obxectivos e transparentes a contemplación dunha partida económica para conceder axudas de libros de texto e material escolar dirixidas ao alumnado con dificultades económicas ou a ausencia de medidas concretas para unha maior protección do cemiterio vello municipal.
O BNG pregúntanse en que vai mellorar o concello de Mondoñedo ao remate do exercicio 2024 con respecto ao deste ano así que por todos estes motivos o sentido do voto do grupo municipal do BNG no concello foi o de rexeitar a proposta de orzamentos para o vindeiro ano.
-ROGOS E PREGUNTAS-
O BNG interesouse polas solucións ao deterioro do vial alternativo habilitado polo concello entre a capela de San Vicente e o Barrio de Lousada por mor do derrubo da estrada local que une as parroquias de San Vicente e Sasdónigas o pasado inverno. O concello anunciou o asfaltado dos cincocentos metros alternativos de pista a cargo dun Plan de Infraestruturas Rurais da Xunta para o exercicio 2024 así que mentres tanto o transporte escolar seguirá realizando o servizo pola nova ruta variada o pasado 14 de novembro.
O BNG formulou un rogo para que se atendan as queixas dos veciños e veciñas das rúas Álvaro Cunqueiro e San Roque polo estado ruinoso de moitos inmobles da zona. O concello avanzou que xa puxo este feito en coñecemento da empresa externa de servizos que ten contratada para a xestión de expedientes sancionadores, algo que recoñecen, vai ser un proceso lento e con moito papeleo.
O BNG tamén lle pediu ao concello mediación entre a Xunta de Galiza e a Deputación de Lugo para que se arranxe canto antes o burato provocado pola rotura dunha tubaxe de desaugue situada entre a marxe da estrada provincial LU-P-3103 e a escola de Santa María Maior. A Deputación non se recoñece competente para solucionar o problema nese punto ao descorrer por alí un rego de auga competencia de Augas de Galiza.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
