Conde, Olano e Abades acordan, como primeira medida, incorporar ao seu cronograma de actuacións as propostas da Federación de Veciños, co fin de “seguir sendo o altavoz” dos lucenses e de que o Goberno de Pedro Sánchez corrixa as débedas que acumula coa provincia
Madrid, 5 de decembro de 2023. Os deputados no Congreso -Francisco Conde, Jaime de Olano e Cristina Abades- perfilaron na primeira reunión de traballo, unha vez que a dirección nacional lles asignou as responsabilidades dentro do Grupo Parlamentario, a folla de ruta a seguir en beneficio da provincia. Deste xeito, como primeira medida, acordaron incorporar ao seu cronograma de actuacións as propostas da Comisión Permanente da Federación de Veciños Lucus Augusti, co fin, din, de “seguir sendo o altavoz” dos lucenses e de que o Goberno de Pedro Sánchez corrixa as débedas que acumula coa provincia, e que xiran en torno ás infraestruturas e ao desenvolvemento industrial, económico e empresarial.
Así, os representante lucenses, na carta que hoxe mesmo remitiron ao colectivo, xunto aos senadores lucenses, detallan que, tal e como fixeron en cada un dos Orzamentos que presentou o Executivo socialista, seguirán apostando polas principais necesidades que ten Lugo. “Esa é a nosa responsabilidade e o noso compromiso cos lucenses”, advirten.
AVE E AUTOVÍAS
Insistirán así, na importancia de que o AVE chegue a Lugo e, en consecuencia, na planificación presupostaria das variantes de Os Peares-Canabal e Rubián que estaban comprometidas por parte do Goberno e que nestes momentos están paralizadas; en que se inclúan fondos para acometer de forma inmediata as tan necesarias obras de mellora da A-6, a autovía A-74 e a restitución do trazado orixinal da N-642. Tamén velarán para que o Goberno inclúa as partidas que garantan o desenvolvemento dun plan de mellora da N-120, así como os recursos necesarios para a execución do terceiro carril entre A Guítara e Ourense.
A INDUSTRIA, UNHA PRIORIDADE
Para os populares mención especial merece a industria. De xeito moi concreto explican que o Executivo ten que facer unha clara aposta neste senso para asegurar que Alcoa dispoña dun marco eléctrico necesario para garantir en igualdade de condicións con outros países europeos. Trátase, din, “ de apoiar aos traballadores e ás familias, así como toda a comarca da Mariña, sobre todo, unha vez que coñecemos que a empresa decidiu aprazar unha obra clave no futuro de Aluminio pola situación financieira”.
Seguirán reivindicando tamén o asentamento de Altri, en Palas de Rei; un proxecto que cumpre todos os criterios establecidos pola propia Unión Europea e o Goberno de España no Plan de Recuperación Transformación e Resiliencia e que está pendente de que se poida concretar por parte do Executivo a dotación de fondos europeos aos que pode optar; que o proxecto de hidróxeno verde Guitiriz-Zamora no quede fóra dos fondos europeos; ou que o SEPE introduza unha bonificación do 50% nos parques que dependen desta Sociedade, ao igual que xa está a facer a Xunta de Galicia cos polígonos empresariais que son da súa competencia.
TRABALLANDO POR LUGO DENDE O PRIMEIRO MOMENTO
O encontro de traballo produciuse tan só unhas horas despois logo de que a dirección nacional de Alberto Núñez Feijóo fixese pública as novas responsabilidades do Grupo Parlamentario Popular do Congreso. Nestes momentos, no caso dos tres representantes lucenses son as seguintes:
Francisco Conde: voceiro de Industria, a Comisión de Industria e Turismo; Jaime de Olano: voceiro de Economía, na Comisión de Economía, Comercio e Transformación Dixital, ademais de vicevoceiro do Grupo Parlamentario Popular na Cámara Baixa; e Cristina Abades: voceira de Infancia, na Comisión de Xuventude e Infancia.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
