Os interesados teñen un mes de prazo para presentar as solicitudes de acceso a estes apoios cos que velar pola seguridade dos rabaños
Chantada, 9 de xaneiro de 2024. Os titulares de explotacións de gando de Galicia poden solicitar desde mañá axudas para distintas actuacións coas que protexer os seus rabaños dos danos causados polo lobo. O Diario Oficial de Galicia (DOG) publica hoxe dúas ordes de achegas que suman un orzamento de máis de 900.000 euros, unha delas centrada na contratación de persoas coidadoras de gando extensivo e outra na adquisición e instalación de valados fixos.
A directora xeral de Patrimonio Natural, Belén do Campo, visitou esta mañá unha explotación de gando en Chantada onde salientou que este tipo de medidas de prevención son fundamentais para compatibilizar a gandería coa presenza e conservación do lobo na comunidade.
A representante da Vicepresidencia Segunda e Consellería de Medio Ambiente, Territorio e Vivenda, que estivo acompañada polo delegado territorial da Xunta en Lugo, Javier Arias, subliñou que as axudas para persoas coidadoras están dirixidas ás explotacións de gando bovino, ovino, cabrún e equino incluídas no Rexistro Xeral de Explotacións Gandeiras (REGA) de Galicia e contan cun orzamento inicial de algo máis de 400.000 euros para o presente exercicio.
O obxectivo principal desta liña de apoios é axudar ao sector gandeiro en extensivo na contratación de persoal para desenvolver tarefas de pastoreo e manexo de reses co fin de protexer, na medida do posible, aqueles rabaños máis sensibles e susceptibles de sufrir un maior risco de predación.
A contía destas axudas, tal como recolle a orde, pode acadar o 100% dos gastos subvencionables cun importe máximo de 18.000 euros por persoa beneficiaria. Sen superar a porcentaxe anterior, a achega máxima será de 1.500 euros por persoa e mes de pastoreo a xornada completa. No caso dunha duración inferior a un mes ou dunha dedicación inferior á xornada completa, o importe reducirase de forma proporcional á duración do contrato e á dedicación cun límite de 9 euros por hora traballada.
Valados
Belén do Campo detallou que a segunda orde de axudas -cun orzamento de 500.000 euros- apoia a aplicación de medidas de protección mediante a adquisición e instalación de elementos preventivos -valados fixos- dos danos que poida ocasionar o lobo.
Neste caso os potenciais beneficiarios son os titulares de explotacións de gando bovino, ovino, cabrún, porcino e raza Celta e equino que figuren no REGA e a contía máxima da axuda rolda os 5.500 euros por valado en función da súa tipoloxía.
A directora xeral de Patrimonio Natural salientou que o prazo de presentación de solicitudes para as dúas ordes de achegas é dun mes contado a partir de mañá, 10 de xaneiro. Os interesados deberán presentar as súas solicitudes preferiblemente por medios electrónicos a través do formulario normalizado dispoñible na sede electrónica da Xunta de Galicia.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
