O Concello de Barreiros fai entrega dunha doazón solidaria á Asociación Saúde Mental A Mariña
Barreiros, 23 de xaneiro de 2024. A alcaldesa de Barreiros, Ana Ermida, fixo entrega dos 474€ recadados polo Concello de Barreiros durante a celebración da Carreira e Andaina Solidaria de Reis que tivo lugar o pasado 7 de xaneiro en San Cosme de Barreiros á Asociación Saúde Mental A Mariña.
“Queremos agradecer a humanidade e a inestimable labor que a Asociación Saúde Mental A Mariña está brindando ás persoas con enfermidade mental persistente para lograr a súa rehabilitación, así como ás súas familias. No día hoxe, facemos con moito gusto, a entrega do aporte solidario recadado durante a andaina e a carreira Solidaria de Reis que organizamos desde o Concello de Barreiros.”, sinalou Ana Ermida durante a entrega do cheque á Asociación Saúde mental a Mariña.
Ermida apunta tamén que, “Levamos varios anos colaborando de maneira estreita con esta asociación en varios proxectos e, nesta mañá, aparte de recibir a doazón, a asociación Saúde Mental A Mariña presentounos o proxecto de Mentalización e Sensibilización en Saúde Mental co que, dende o Concello de Barreiros colaboraremos”.
A alcaldesa agradece a boa acollida que están a ter estes eventos solidarios. “Quero dar as grazas ás preto de 300 persoas que se sumaron o pasado 7 de xaneiro no evento solidario e se achegaron a Barreiros para practicar deporte e apoiar unha boa causa”.
Esta proba deportiva está enmarcada no circuíto de carreiras populares que organiza o Concello de Barreiros +KmsBarreiros e que trata de unir deporte, solidariedade e colaboración.
Dende a organización do circuíto, Dani García, concelleiro de dinamización, indica que “a seguinte proba será a Carreira das Praias e terá lugar o vindeiro 29 de marzo”.
Dani García convida a participar nestas probas. “Animo a todo o mundo a vir polo bo ambiente que se vive á vez que, polo só feito de participar, cada atleta sumará puntos para a clasificación final do circuíto +KmsBarreiros. Este ano engadimos unha clasificación por equipos e outra por colexios-institutos para participar de maneira colaborativa e, aínda que a primeira proba xa se disputou, invito a que os e as afeccionadas ao deporte formen os seus grupos e sumen en conxunto”.
“O sistema de puntuación que establecemos é moi amplo xa que quixémoslle dar un enfoque popular para que todo o mundo teña oportunidades premiando a participación polo que repito, a xente está a tempo de formar equipo co seu grupo de amigos/as, clube, etc e participar no circuíto +KmsBarreiros”. Apunta o edil de dinamización e participación veciñal.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
