A formación a impartir será: poda e enxertía de froiteiras e reprodución vexetativa de plantas ornamentais. O alcalde, Dani Vega, destaca o potencial das instalacións
Ribadeo, 23 de xaneiro de 2024. O Centro de Formación e Experimentación Agraria Pedro Murias e o Concello de Ribadeo organizan talleres de poda e enxertía de froiteiras e de reprodución de vexetativa de plantas ornamentais Os de poda e enxertía terán lugar en febreiro e o de plantas ornamentais en abril.
Os talleres de poda e froiteiras serán o 19 de febreiro en dúas quendas, unha pola mañá e outra tarde: de 9 a 14 horas e de 16:00 a 20:00 horas. Os talleres de enxertía de froiteiras terán lugar o 27 de febreiro, tamén en dúas quendas, mañá e tarde e os mesmos horarios. E o de reprodución vexetativa de plantas ornamentais está previsto para o 2 de abril nunha soa quenda de 9 a 14 horas.
Na súa intervención o director do Centro de Formación e Experimentación Agraria Pedro Murias, Manuel Valín, subliñou “a colaboración que estamos tendo e que imos ter nun futuro moi próximo con Asvinor (Asociación de Viveristas del Noroeste), na figura do seu xerente técnico, Santiago Ramos Rodríguez. Os de Asvinor son os que van impartir os obradoiros, o que é unha garantía, e parécenos que esa e a liña de traballo”. E adiantou que “temos en carteira para o segundo trimestre deste ano unha actividade na que temos moita ilusión e coa que pretendemos que xurda, se é posible, unha pequena cooperativa ou alguén que se faga autónomo e se poida dedicar ao tema das plantas ornamentais. É dentro da formación continua, non vai ser un obradoiro senón unha boa cantidade de horas de formación sobre plantas ornamentais, o que é novo nesta zona e neste centro”.
Valín agradeceu a colaboración do Concello de Ribadeo, coa que agarda seguir contando: “pola miña parte quero pedirlle ao Concello que siga colaborando con nós; ademais ten moito que ver con Pedro Murias porque de feito hai un padroado que seguro que nalgún momento se volverá reactivar e o presidente é o alcalde de Ribadeo. Paréceme moi interesante que as instalacións que temos aquí as aproveitemos para este tipo de actividades de formación continua, o que nos parece fundamental”.
Paula Fernández, técnica en Pedro Murias, sinalou que “como ben di o director, estes pequenos talleres, tanto de froiteiras de poda como de enxertía e de acodos ou porbaixa, é un inicio e unha toma de contacto coa xente da zona para que aprendan un pouco ou, se xa saben, complementen máis a formación por parte dunha persoa técnica moi cualificada e experimentada, como é Santiago, de Asvinor. Son talleres curtos: de poda de froiteiras en dúas edicións, unha á mañá e outra pola tarde; a enxertía, o mesmo; e o de acodos será unha única sesión”.
Pola súa banda, o alcalde, Daniel Vega, subliñou a importancia da formación que se vai impartir no Centro de Formación e Experimentación Agraria Pedro Murias, así como a mellora que precisan esa instalación. O rexedor tamén se referiu ao padroado: “non pode ser que o padroado o formen institucións que xa non existen ou cargos que non ten moi sentido que estean dentro del. Agora imos renovalo e a partir de aí vamos seguir traballando. Hai que mellorar as instalacións. Temos propostas tamén para vir para Pedro Murias. Estamos traballando coa dirección do centro, con pouso, con pensamento, cunha visión técnica e sempre entendendo que Pedro Murias ten ese espírito fundacional, que é a agricultura, promover o espazo rural e tamén o sector primario. Polo tanto desde aí podemos abrir o abanico”.
O rexedor cre que “hai que aproveitar todas estas instalacións e o Concello está para axudar. Iso sábeo perfectamente o centro e tamén as asociacións, que hai poucos días estaban aquí, como as de mulleres rurais ou as de amas de casa, facendo actividade, que tamén é formativa. E temos moitas ganas de facer moitas máis cousas”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
