Nota de prensa
O BNG ACUSA A ALFONSO VILLARES E JOSÉ MANUEL BALSEIRO DE PRETENDER AGOCHAR AS SÚAS RESPONSABILIDADES NA PERDA DE EMPREGO EN SARGADELOS ABRINDO DEBATES SEN FUNDAMENTO
Os nacionalistas sempre avogaron pola supresión das deputacións xa que non representan a realidade territorial do país e iso non quere dicir que non podan gobernalas mentres existan
Balseiro prioriza o seu interese persoal en manter o posto no Parlamento á defensa dos interese do seus veciños polo que debería dimitir como concelleiro en Cervo
Cervo, 2 de outubro de 2010. O BNG saiu ao paso das declaracións do PP de Cervo nas que reclamaba a dimisión do concelleiro nacionalista como membro do gabinete do Grupo Provincial do BNG na Deputación de Lugo. Os nacionalistas acusaron ao portavoz municipal do PP, José Manuel Balseiro e ao alcalde, Alfonso Villares de querer agochar con debates estériles as súas responsabilidades como mediadores no ERE de Sargadelos deixando como froito o resultado de 26 despedimentos mentres no centro de Sada cun goberno nacionalista non hai sobre a mesa nin un so despedimento. Os nacionalistas ademais acusaron a Balseiro de contrapoñer o seu interese persoal na Mesa do Parlamento sobre o interese dos seus veciños e veciñas ao rexeitar o ERE de Sargadelos en Cervo e non manter o mesmo sentido de voto na súa poltrona parlamentar so 15 día despois.
Para Balseiro primeiro a poltrona e o coche oficial que a defensa dos intereses dos traballadores e traballadoras de Sargadelos.
Para o BNG de Cervo e sorprendente que o PP de Cervo co seu máximo responsábel á cabeza, José Manuel Balseiro, pida seriedade e coherencia aos nacionalistas cando en menos de 15 días e capaz de rexeitar co seu voto nunha sesión plenaria municipal o ERE e Sargadelos e xa na poltrona da Mesa do Parlamento vota en contra da mesma iniciativa deixando na estacada a 26 veciños e veciñas do seu concello que serán despedidos de aceptar a Consellaría de Traballo o ERE proposto pola dirección da empresa. “Vendo o rápido cambio de posición, a este Sr. interésalle mais manter o seu coche oficial e a poltrona da Mesa do Parlamento que os problemas dos seus veciños polo que debería dimitir como concelleiro en Cervo.”
Con Balseiro chove sobre mollado no ERE de Sargadelos polo que os nacionalistas pedíronlle que se manteña ao marxe para non empeorar as cousas.
O portavoz municipal nacionalista Xoán Estúa, engadiu que Balseiro comprometeu a súa xestión persoal na Xunta “para evitar un so despedimento en Sargadelos” e fixo de mediador acompañado do alcalde Alfonso Villares diante da inspección de traballo, deixando como resultado 26 persoas sen traballo, polo que Estúa dixo que “nin o alcalde nin Balseiro se merecen a confianza dos seus veciños e moito menos as poltronas e os coches oficiais que disfrutan”
Avogar pola supresión das deputacións non quer dicir que mentres existan non podan ser gobernadas polo BNG
Os nacionalistas cervenses negaron a incoherencia á que alude o PP sobre a presenza do BNG na Deputación e a súa posición histórica que reclama a súa supresión, “o BNG non elude a responsabilidade de gobernar esta entidade aínda que a considere innecesaria e traballe politicamente para a suprimila”, “moito mais nun momento no que os concellos pasan por moitas dificultades económicas e a superposición destas entidades administrativas sobre outras non e nin eficaz economicamente, nin se axusta á ordenación territorial do país”, dixo Estúa, que cualificou as declaracións do PP de “demagóxicas e criticou a baixeza moral de Balseiro que semella estar en política só para cobrar”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
